🛑 देगलूर शिवजन्मोवानिमीत्त भरगच्च कार्यक्रमाचे आयोजन

🛑 देगलूर शिवजन्मोवानिमीत्त भरगच्च कार्यक्रमाचे आयोजन. 

शिवगर्जना न्यूज, 

संपादक : शहाजी ना. वरखिंडे

9923072242

हिंदवी स्वराज्याचे संस्थापक राजे छत्रपती शिवाजी महाराज यांच्या जयंतीनिमित्त दि. १६ ते १९ फेब्रुवारीदरम्यान सामाजिक, शैक्षणिक, सांस्कृतिक आणि ऐतिहासिक कार्यक्रमांची नांदी ठरणार आहे. शिवप्रेमींसाठी हा उत्सव प्रेरणेचा जाज्वल्य दीप ठरणार आहे. सर्व शिवप्रेमी नागरिकांनी मोठ्या संख्येने सहभागी व्हावे, असे आवाहन सार्वजनिक शिवजन्मोत्सव समिती अध्यक्ष नामदेव पाटील देगावकर यांनी केले आहे.

दरवर्षी प्रमाणे १९ फेब्रुवारी २०२६ रोजी रयतेचे राजे छत्रपती शिवाजी महाराज यांचा जन्मोत्सव मोठ्या हर्षोल्हासात साजरा केला जाणार आहे. दि. १६ फेब्रुवारी सोमवार रोजी सकाळी रक्तदान शिबिराने शिवजन्मोत्सवाची सुरुवात होणार आहे. शिबिराचे उ‌द्घाटन आ. जितेश अंतापूरकर यांच्या हस्ते होणार असून, अध्यक्षस्थानी डॉ. मयूर कद्रेकर राहणार आहेत. प्रमुख पाहुणे म्हणून देगलूर नगराध्यक्ष सौ. विजयामाला टेकाळे, उपनगराध्यक्ष ॲड. अंकुश देशाई देगावकर, वैद्यकीय अधीक्षक डॉ. नरेश देवणीकर, डॉ. अनिल थडके, शिवाजी देसाई बळेगावकर, ॲड. प्रीतम देशमुख, जनार्दन बिरादार यांची उपस्थिती राहणार आहे. दुपारी २ वाजता रांगोळी स्पर्धा आयोजित करण्यात आली आहे. या स्पर्धेचे उद्घाटन सौ. श्वेता बस्वराज पाटील वन्नाळीकर यांच्या हस्ते होईल. अध्यक्षस्थानी शिवाजी विठ्ठलराव भोसले राहतील. पर्यवेक्षक म्हणून शिवमती सौ. संजीवनीताई सूर्यवंशी व शिवमती सौ. शीलाताई देसाई हे काम पाहणार आहेत.

दि. १७ फेब्रुवारी मंगळवार रोजी विचारांचा जाज्वल्य जागर होणार आहे. सकाळी साडे दहा वाजता शिवस्मारक येथे वक्तृत्व स्पर्धा होणार असून, याचे उद्घाटक ॲड. अंकुशराजे तुळशीराम जाधव यांच्या हस्ते होणार आहे. अध्यक्षस्थानी संभाजी ब्रिगेड जिल्हाध्यक्ष जेजेराव शिदे पा. यांची उपस्थिती राहणार आहे. पर्यवेक्षक म्हणून प्रा. दिलीप भडके, बालाजी जाधव, खालीद पटेल, संजय कांबळे हे काम पाहणार आहेत. सायंकाळी साडेसहा वाजता “छत्रपती शिवराय समजून घेतांना” या विपयावर प्रा. डॉ. विनोद बाबर (कराड) यांचे व्याख्यान होणार आहे. याचे उद्घाटन आ. प्रताप पाटील चिखलीकर यांच्या हस्ते होणार असून, अध्यक्षस्थानी शिक्षण सम्राट व्यंकटरावजी पाटील गोजेगावकर राहणार आहेत. प्रमुख उपस्थिती मध्ये नगराध्यक्ष, उपनगराध्यक्ष, नगरसेवक नंदूशेठ शाखावर, अनिल बोनलावार, पाणी पुरवठा सभापती बबलू टेकाळे, चंद्रकांत मोरे, माजी सभापती अनिकेत पाटील राजूरकर यांची उपस्थिती राहणार आहे. 

दि. १८ फेब्रुवारी बुधवार रोजी सकाळी साडेदहा वाजता सांस्कृतिक कार्यक्रम होणार आहेत. उद्घाटक शिवमती रत्त्नमाला कौरवार, अध्यक्षस्थानी शिवश्री गोविंद मानसपुरे राहणार आहेत. पर्यवेक्षक म्हणून शिवमती चैतन्य वानखेडे व शिवमती रंजना मानोरे हे काम पाहणार आहेत. सायंकाळी साडेसहा वाजता प्राध्यापक डॉ. शिवराज पाटील शिंदे व प्रा. मुरलीधर हंबर्डे व संच यांचा शाहिरी जलवा व पोवाडा सादर होणार आहे. याचे उ‌द्घाटक खा, रवींद्र वसंतराव चव्हाण पाटील असून अध्यक्षस्थानी माजी मनदी अधिकारी रामदास पाटील सुमठाणकर राहणार आहेत. तसेच गटनेता तथा नगरसेवक मिरामोहिद्दीन, मा. नगराध्यक्ष मोगलाजी शिरशेटवार, मा. उपनगराध्यक्ष बालाजी रोयलावार, नगरसेवक अविनाश नीलमवार, लालू कोयलावार, सुनील येशमबार, बालाजी थडके, नितेश पाटील भोकरखेडकर, सुधाकर पाटील भोकरखेडकर, जयपाल कांबळे यांची उपस्थिती राहणार आहे. मध्यरात्री १२ वाजता भव्य देखावा, रोषणाई व आतिष बाजीने आकाश भगव्या तेजाने उजळणार आहे. गुरुवार 

दि. १९ फेब्रुवारी रोजी डॉ. सुनील जाधव यांच्या वाणीने जिजाऊ वंदना, शिवपूजन व पाळणा गायन होणार आहे. उपमुख्यमंत्री एकनाथ शिंदे यांचे खाजगी सचिव तथा एम.एस.आर.डी.सी. चे महाव्यवस्थापक शिवश्री बालाजी पाटील खतगावकर यांच्या हस्ते शिवपूजन करण्यात येणार आहे.

यावेळी आ. जितेश अंतापूरकर, नगराध्यक्ष सौ. विजयामाला टेकाळे, उपनगराध्यक्ष अंकुश देसाई देगावकर, उपजिल्हाधिकारी अनुप पाटील, डी.वाय.एस.पी. संकेत गोसावी, गटविकास अधिकारी श्रीकांत बळदे, तहसीलदार भरत्त सूर्यवंशी, मुख्याधिकारी नीलम कांबळे, पोलीस निरीक्षक मारुती मुंडे यांची प्रमुख उपस्थिती लाभणार आहे,

देगलूर शहर चार दिवस एकंदरीत शिवमय होणार असून पराक्रम स्वाभिमान आणि स्वराज्याची प्रेरणा जागविणारा हा उत्सव प्रत्येक शिवभक्तासाठी अभिमानाचा क्षण ठरणार आहे. तमाम शिवप्रेमींनी मोठ्या संख्येने उपस्थित राहून उत्सव यशस्वी करावा, असे आवाहन शिवजन्मोत्सव समितीचे अध्यक्ष नामदेव पाटील देगावकर यांनी केले आहे. 

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)