🛑 २३ जूनच्या जनआक्रोश मोर्चासाठी महत्त्वपूर्ण बैठक संपन्न.

🔴 २३ जून जनआक्रोश मोर्चासाठी नांदेड दक्षिण तालुक्याची महत्त्वपूर्ण बैठक संपन्न.

शिवगर्जना न्यूज,

नायगाव प्रतिनिधी : दीपक गजभारे

लोहा येथील जायकवाडी प्रकल्प परिसरातील पंचरंगी ध्वज काढणे व त्याची विटंबना केल्याच्या निषेधार्थ आयोजित करण्यात येणाऱ्या २३ जूनच्या जनआक्रोश मोर्चात मोठ्या संख्येने सहभागी होण्याचा निर्धार नांदेड दक्षिण तालुक्यातील पदाधिकारी व कार्यकर्त्यांच्या बैठकीत करण्यात आला.

ही बैठक नांदेड-दक्षिण येथील तुप्पा परिसरातील हॉटेल पंजाब बाग, चंदासिंग कॉर्नर येथे पार पडली. बैठकीचे प्रास्ताविक वंचित बहुजन आघाडीचे जिल्हा महासचिव तथा नांदेड दक्षिणचे निरीक्षक रवि पंडित तुप्पेकर यांनी केले. त्यांनी संबंधित घटनेचा तपशील, घटनाक्रम व त्याचे गांभीर्य उपस्थित कार्यकर्त्यांसमोर मांडले.

यावेळी मोर्चाचे नेतृत्व करणारे वंचित बहुजन आघाडीचे नांदेड दक्षिण जिल्हाध्यक्ष शंकर महाजन यांनी कार्यकर्त्यांना मोठ्या संख्येने मोर्चात सहभागी होण्याचे आवाहन केले.

वंचित बहुजन आघाडीचे युवा प्रदेश सदस्य अक्षय भाऊ बनसोडे यांनी युवकांना उद्देशून मार्गदर्शन करताना, मोर्चाच्या प्रचार-प्रसारासाठी युवकांनी पुढाकार घ्यावा व मोठ्या संख्येने सहभागी व्हावे, असे आवाहन केले.

तसेच महानगर अध्यक्ष विठ्ठल भाऊ गायकवाड यांनी मोर्चाचे शिस्तबद्ध नियोजन करण्याच्या सूचना दिल्या. मोर्चाला कोणतेही गालबोट लागू नये तसेच शिस्त व शांतता कायम राखण्यासाठी सर्वांनी जबाबदारीने काम करावे, असे त्यांनी सांगितले.

या बैठकीला जिल्हा उपाध्यक्ष विनायक गजभारे, अरुण भद्रे, गणपत सवयी सोनकांबळे, जि. सचिव रंगनाथ गजले, जि. संघटक संजय टिके, जि. कायदेविषयक सल्लागार जयपाल ढवळे, प्रसिद्धी प्रमुख नामदेव पांचाळ, हनुमंतराव आंचोलीकर, भीमराव बेंद्रीकर, युवा शहराध्यक्ष सुकासिंग टाक महाराज, शुद्धोधन कापशीकर, सम्राट आढाव, युवा जिल्हा उपाध्यक्ष, राज बुद्धे, युवा जिल्हा उपाध्यक्ष, दिपक गजभारे, युवा नेते धमा ऐगंङे, संदेश भालेराव, आकाश राक्षेसमारे, संदेश गायकवाड, यशवंत गोणारकर यांच्यासह अनेक पदाधिकारी व कार्यकर्ते मोठ्या संख्येने उपस्थित होते.

🔴मुख्य संपादक: श्री शहाजी वरखिंडे

मो. 9923072242