🔴 सुजात आंबेडकर यांच्या उपस्थितीत नांदेडमध्ये JAYBHIM GEN-Z संवाद.

🔴 सुजात आंबेडकर यांच्या उपस्थितीत नांदेडमध्ये JAYBHIM GEN-Z संवाद.

विद्यार्थ्यांनी मोठ्या संख्येने सहभागी व्हावे; दिपक गजभारे यांचे आवाहन.

शिवगर्जना न्यूज,

नांदेड : प्रतिनिधी

नव्या पिढीच्या प्रश्नांना व्यासपीठ मिळवून देण्यासाठी आणि फुले-शाहू-आंबेडकर यांच्या परिवर्तनवादी विचारांचा वारसा युवकांपर्यंत पोहोचविण्यासाठी वंचित बहुजन आघाडीच्या वतीने नांदेड येथे JAYBHIM GEN-Z या विशेष संवाद कार्यक्रमाचे आयोजन करण्यात आले आहे. या कार्यक्रमाला सुजातदादा आंबेडकर उपस्थित राहणार आहेत.

शनिवार, दिनांक ३१ ऑक्टोबर २०२६ रोजी सायंकाळी ५ वाजता डॉ. शंकरराव चव्हाण प्रेक्षागृह, गुरु गोविंदसिंहजी स्टेडियम परिसर, नांदेड येथे हा कार्यक्रम होणार आहे.

आजच्या स्पर्धात्मक आणि बदलत्या काळात विद्यार्थ्यांसमोर शिक्षण, रोजगार, सामाजिक न्याय आणि समान संधी यांसारखे अनेक प्रश्न आहेत. या प्रश्नांवर युवकांना आपले विचार मांडता यावेत, त्यांच्या शंकांचे निरसन व्हावे आणि सामाजिक परिवर्तनाच्या विचारांना चालना मिळावी, या उद्देशाने या संवाद कार्यक्रमाचे आयोजन करण्यात आले आहे.

महात्मा ज्योतिराव फुले, राजर्षी शाहू महाराज आणि भारतीय राज्यघटनेचे शिल्पकार डॉ. बाबासाहेब आंबेडकर यांनी दिलेल्या समता, स्वातंत्र्य, बंधुता आणि सामाजिक न्यायाच्या विचारांची आजच्या पिढीला ओळख करून देणे, तसेच युवकांमध्ये संविधानिक मूल्यांची जाणीव निर्माण करणे, हा या उपक्रमाचा प्रमुख हेतू आहे.

नांदेड जिल्ह्यातील विद्यार्थी, युवक-युवती आणि परिवर्तनवादी विचारांच्या नागरिकांनी ‘JAYBHIM GEN-Z’ संवाद कार्यक्रमात मोठ्या संख्येने सहभागी व्हावे, असे आवाहन वंचित बहुजन युवा आघाडीचे नांदेड (दक्षिण) जिल्हा उपाध्यक्ष दिपक माधवराव गजभारे घुंगराळेकर यांनी केले आहे.

🔴 मुख्य संपादक: श्री शहाजी वरखिंडे

मो. 9923072242