🔴 प्रा. राजकुमार दासरवार यांना पीएच.डी. बहाल

🔴 आई-वडिलांच्या त्यागाचे फळ : प्रा. राहुल राजकुमार दासरवार यांना पीएच.डी. बहाल. 

शिवगर्जना न्यूज, 

नांदेड प्रतिनिधी

जिद्द, चिकाटी आणि आई-वडिलांच्या आशीर्वादाने देगलूरच्या टेकाळे परिवाराचा भाच्चा राहुल राजकुमार दासरवार यांनी पीएच.डी. पदवी संपादन करत आपल्या यशाने शिखर गाठले आहे. संस्कारी कुटुंबातून आलेल्या या अभ्यासू आणि कष्टाळू मुलाने अथक परिश्रमातून हे शिखर गाठत आई-वडिलांच्या त्यागाचे चीज केले आहे.

प्रा. राहुल यांनी “Synthesis, Characterization, Physical and Catalytic Activity of Some Ordered Mesoporous Metallosilicate Materials” या विषयावर संशोधन पूर्ण केले. या ऑर्डर्ड मेसोपोरस मेटालोसिलिकेट पदार्थांचे संश्लेषण (Synthesis), त्यांची संरचनात्मक व भौतिक वैशिष्ट्ये (Characterization and Physical Properties) तसेच विविध रासायनिक अभिक्रियांमधील उत्प्रेरक कार्यक्षमता (Catalytic Activity) याचा सखोल व वैज्ञानिक पद्धतीने अभ्यास करण्यात आला आहे. हरित रसायनशास्त्र आणि शाश्वत औद्योगिक प्रक्रियांना चालना देणारे हे संशोधन भविष्यात उपयुक्त ठरणार असल्याचे मानले जात आहे.

लहानपणापासूनच राहुल हे अभ्यासू, नम्र, आज्ञाधारी आणि जबाबदार स्वभावाचे आहे. घरातील परिस्थिती समजून घेत, आई-वडिलांच्या कष्टांची जाणीव ठेवत त्यांनी शिक्षणाला सर्वोच्च प्राधान्य दिले. अपार मेहनत, जिद्दीने त्यांनी पीएच.डी पदवी संपादन केली. इथेच न थांबता प्रा. राहुल यांनी राष्ट्रीय व आंतरराष्ट्रीय परिषदांमध्ये संशोधन निबंध सादर केले असून विविध नामांकित जर्नल्समध्ये लेख प्रकाशित झाले आहेत. त्यांचे वडील प्रामाणिक स्वभावाचे असून मुलाच्या शिक्षणासाठी त्यांनी नेहमीच पाठिंबा दिला. आईने प्रेम, जपणूक आणि त्यागातून मुलाला घडवले. मुलाने पीएच.डी. मिळवल्याची बातमी समजताच आई-वडिलांच्या डोळ्यांत आनंदाश्रू तरळले. “आमचा राहुल डॉक्टर झाला” असे म्हणताना त्यांच्या आवाजातील अभिमान प्रत्येकाच्या मनाला स्पर्शून गेला.

या यशाबद्दल कुटुंबीय, टेकाळे परिवारातील वडीलधारी मंडळी, नातेवाईक यांनी राहुल यांचे मनापासून अभिनंदन करून पुढील वाटचालीस शुभेच्छा दिल्या. संबंधित महाविद्यालयाचे प्राचार्य, मार्गदर्शक प्राध्यापक तसेच विद्यापीठ प्रशासनानेही त्यांच्या संशोधन कार्याचे कौतुक करून उज्ज्वल भविष्यासाठी शुभेच्छा दिल्या आहेत.

प्रा. राहुल राजकुमार दासरवार यांचे हे यश युवकांसाठी प्रेरणादायी ठरत असून संस्कार आणि जिद्द, चिकाटी यांच्या बळावर कोणतेही ध्येय साध्य करता येते याचे उदाहरण होय.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)