📮केसराळी ग्रामीण ब्रॅंच पोस्टमास्टर विठ्ठलराव काळे पाटील यांचा सेवापूर्ती गौरव सोहळा संपन्न.📮

*केसराळी ग्रामीण ब्रॅंच पोस्ट मास्तर विठ्ठलराव काळे पाटील यांचा सेवापूर्ती गौरव सोहळा संपन्न

देगलूर प्रतिनिधी

बिलोली तालुक्यातील केसराळी येथील रहिवासी व शंकरनगर डाक विभाग अंतर्गत केसराळी येथे ब्रांच पोस्ट मास्तर पदावर कार्यरत असलेले विठ्ठलराव काळे पाटील हे नियतकालिन वयोमानाने ता. २३ रोजी वयाच्या ६५ व्या वर्षी सेवानिवृत्त झाले असल्याने त्यांचे शंकरनगर येथील डाक कार्यालयातील कर्मचाऱ्यांच्या वतीने मधुकरराव पाटील महाविद्यालय शंकरनगर येथे भावपूर्णक सत्कार करून सेवानिवृत्तीचा निरोप दिला गेला.

केसराळी येथील ब्रांच पोस्ट मास्तर विठ्ठलराव काळे पाटील हे आपल्या आयुष्यातील तब्बल ३९ वर्ष डाक विभागात ब्रांच पोस्ट मास्तर या पदावर नेटाने काम केले आहे. काळे पाटील आपल्या कर्तव्यावर रुजू झाले तेंव्हा अवघे १६० रुपये पगार होता. तेव्हापासून तर आज सेवानिवृत्तीपर्यंत त्यांनी डाक विभागात कर्तव्यनिष्ठ नोकरी बजावली आहे. त्यांच्या सेवापुर्ती आयोजित कार्यक्रमात अनेकांनी त्यांना स्व:पत्नी कपडे रुपी आहेर आणून शुभेच्छा दिल्या आहेत. यावेळी कार्यक्रमाचे अध्यक्ष बाळासाहेब पाटील खतगावकर, प्रमुख पाहुणे भागवत मुंडे (डाक निरीक्षक उपविभाग देगलूर) जी. व्ही. स्वामी (प्रदेशाध्यक्ष महाराष्ट्र-गोवा), गंगाधर भिलवंडे (चेअरमन डाक कर्मचारी पतसंस्था नांदेड), हनमंतराव जामनोर (डाक अभिदर्शक), सेवनकर (सेवानिवृत्त डाक अदीदर्शक) गोविंद पाटील खतगावकर, काशिनाथ काळे माजी पं. स. सदस्य बिलोली, खतगाव सरपंच प्र. मल्लेश पेटेकर, पत्रकार काशिनाथ वाघमारे, जावेद अहमद, ब्रांच पोस्ट मास्तर बळवंतराव शिंदे, एस.एस. साखरे, संभाजी जाधव, दत्तात्रय मामीडवार, सायलू ऊटवाड, वाघमारे अजय, शेख सलीमाबी, रेणुका वडजे, वाघमारे, प्रशांत पाटील काळे यासह आदमपूर, खतगाव, केसराळी, शंकरनगर, बोरगांव या गावचे पदाधिकारीसह सर्व पोस्टमॅन उपस्थित होते.