🔴 देगलूरमध्ये ‘महिला बचतगटांचा दीपोत्सव २०२६’ उत्साहात सुरू; ५० बचतगटांचा सहभाग.

1

By Shahaji Warkhinde

November 2, 2026

🔴 देगलूरमध्ये ‘महिला बचतगटांचा दीपोत्सव २०२६’ उत्साहात सुरू; ५० बचत गटांचा सहभाग.

शिवगर्जना न्यूज,

देगलूर प्रतिनिधी : मो. 9923072242

देगलूर : नगर परिषद देगलूरच्या वतीने आयोजित ‘महिला बचतगटांचा दीपोत्सव २०२६’ या उपक्रमाचा शुभारंभ सोमवार, दि. २ नोव्हेंबर रोजी नगराध्यक्षा सौ. विजयमाला बालाजीराव टेकाळे यांच्या हस्ते थाटामाटात करण्यात आला. नगराध्यक्षा यांच्या मार्गदर्शनाखाली आणि नगर परिषद मुख्याधिकारी श्रीमती निलम बाबुराव कांबळे यांच्या पुढाकारातून या उपक्रमाचे आयोजन करण्यात आले आहे.

हा दीपोत्सव दि. २ ते ४ नोव्हेंबर २०२६ या तीन दिवसांच्या कालावधीत डॉ. बाबासाहेब आंबेडकर डिजिटल अभ्यासिकेच्या इमारतीत सुरू राहणार आहे. या उपक्रमात देगलूर शहरातील तब्बल ५० महिला बचतगट सहभागी झाले असून, महिलांनी तयार केलेल्या विविध उत्पादनांचे आकर्षक स्टॉल उभारण्यात आले आहेत.

उद्घाटन प्रसंगी नगराध्यक्षा सौ. विजयमाला टेकाळे यांनी विविध बचतगटांच्या उत्पादनांची पाहणी करून महिलांच्या उपक्रमांचे कौतुक केले. तसेच, दीपावलीची खरेदी करताना नागरिकांनी महिला बचतगटांच्या स्टॉलला प्राधान्य द्यावे, असे आवाहन केले.

यावेळी मुख्याधिकारी श्रीमती निलम कांबळे यांनी सांगितले की, नगर परिषदेच्या शिफारशीतून देगलूर शहरातील १२ बचतगटांना ‘प्रधानमंत्री सूक्ष्म अन्न प्रक्रिया उद्योग’ योजनेअंतर्गत प्रत्येकी चार लाख रुपयांचे अर्थसाहाय्य उपलब्ध करून देण्यात आले आहे. शहरातील इतर बचतगटांनीही उद्योग सुरू करण्यासाठी पुढाकार घ्यावा. त्यांना नगर परिषदेमार्फत योग्य मार्गदर्शन करून अर्थसाहाय्य मिळवून देण्यासाठी प्रयत्न केले जातील, असेही त्यांनी स्पष्ट केले.

या दीपोत्सवात दिवाळीसाठी लागणारे विविध खाद्यपदार्थ, सजावटीचे साहित्य, आकर्षक दागिने, साड्या आणि ड्रेसेस यांसह विविध वस्तू विक्रीसाठी उपलब्ध आहेत. पहिल्याच दिवशी ग्राहकांचा उत्स्फूर्त प्रतिसाद मिळत असल्याने सहभागी महिला बचतगटांमध्ये आनंदाचे वातावरण आहे.

या कार्यक्रमाला नगर परिषदेच्या माजी नगराध्यक्षा सौ. उज्वला लक्ष्मीकांत पदमवार, सभापती सौ. शोभा दिगंबर कडलवार, सौ. योगेश्वरी लक्ष्मण तोटावार, शेख आर्शिया फातेमा पाशामियाँ, सौ. अंजली अंकुशराव देसाई तसेच नगर परिषद मुख्याधिकारी श्रीमती निलम बाबुराव कांबळे यांची उपस्थिती होती.

महिलांच्या स्वावलंबनाला चालना देणारा आणि स्थानिक उत्पादनांना बाजारपेठ उपलब्ध करून देणारा हा दीपोत्सव देगलूरकरांसाठी दिवाळी खरेदीची विशेष संधी ठरत आहे. नागरिकांनी या उपक्रमाला भेट देऊन महिला बचतगटांना प्रोत्साहन द्यावे, असे आवाहन करण्यात आले आहे.

🔴मुख्य संपादक: श्री शहाजी वरखिंडे मो. 9923072242

ताज्या बातम्या

Buy now

🔴 देगलूरमध्ये ‘महिला बचतगटांचा दीपोत्सव २०२६’ उत्साहात सुरू; ५० बचतगटांचा सहभाग.

🔴 देगलूरमध्ये ‘महिला बचतगटांचा दीपोत्सव २०२६’ उत्साहात सुरू; ५० बचत गटांचा सहभाग.

शिवगर्जना न्यूज,

देगलूर प्रतिनिधी : मो. 9923072242

🔴मुख्य संपादक: श्री शहाजी वरखिंडे मो. 9923072242

ताज्या बातम्या

🔴 सेवानिवृत्त नायब तहसीलदार मदनराव जोंधळे यांचे ७७व्या वर्षी निधन.

🔴 संस्कारांची शिदोरी, कर्तृत्वाची भरारी डॉ. वैष्णवी गोरडवार यांचा कुंभार समाजाच्या वतीने गौरव.

🔴 शेतकरी हितासाठी लढणारे संभाजी ब्रिगेडचे ता. अध्यक्ष शहाजी पाटील बोरगावकर यांना वाढदिवसाच्या शुभेच्छा.

ताज्या बातम्या

🔴 सेवानिवृत्त नायब तहसीलदार मदनराव जोंधळे यांचे ७७व्या वर्षी निधन.

🔴 संस्कारांची शिदोरी, कर्तृत्वाची भरारी डॉ. वैष्णवी गोरडवार यांचा कुंभार समाजाच्या वतीने गौरव.

🔴 शेतकरी हितासाठी लढणारे संभाजी ब्रिगेडचे ता. अध्यक्ष शहाजी पाटील बोरगावकर यांना वाढदिवसाच्या शुभेच्छा.

🔴 देगलूर महाविद्यालयाचे प्रा. डॉ. संजय पाटीलने प्रदीर्घ सेवे नंतर सेवानिवृत्त.

🛑 संकष्टी चतुर्थी निमित्त श्री कपालेश्वर महादेव मंदिरात भक्तिमय भजन संध्या उत्साहात संपन्न.