🔴 देगलूर महाविद्यालयाचे प्रा. डॉ. संजय पाटीलने प्रदीर्घ सेवे नंतर सेवानिवृत्त.

🔴 देगलूर महाविद्यालयाचे प्रा. डॉ. संजय पाटील ३२ वर्षे १० महिन्यांच्या प्रदीर्घ सेवे नंतर सेवानिवृत्त

सेवापूर्ती गौरव सोहळ्यात संस्थेच्या पदाधिकाऱ्यांसह प्राध्यापक, कर्मचारी व मित्रपरिवाराकडून शुभेच्छांचा वर्षाव

शिवगर्जना न्यूज,

9923072242

देगलूर : येथील अडत व्यापारी शिक्षण संस्था संचलित देगलूर महाविद्यालयातील तत्त्वज्ञान विभागप्रमुख तथा पर्यावरणीय नीतिशास्त्राचे अभ्यासक प्रा. डॉ. संजय हाणमंतराव पाटील हे नियत वयोमानानुसार शनिवार, दि. ३१ ऑक्टोबर २०२६ रोजी सेवानिवृत्त झाले. त्यांनी आपल्या प्रदीर्घ शैक्षणिक सेवेत ३२ वर्षे १० महिने योगदान दिले.

त्यांच्या सेवानिवृत्ती निमित्त अडत व्यापारी शिक्षण संस्था व देगलूर महाविद्यालयाच्या वतीने सेवापूर्ती गौरव सोहळ्याचे आयोजन करून त्यांना सन्मानपूर्वक निरोप देण्यात आला. या वेळी उपस्थित मान्यवरांनी प्रा. डॉ. पाटील यांच्या भावी आयुष्यासाठी शुभेच्छा व्यक्त केल्या.

या प्रसंगी अडत व्यापारी शिक्षण संस्थेचे अध्यक्ष प्रकाश पाटील बेम्बरेकर, उपाध्यक्ष जनार्दन चिद्रावार, सचिव डॉ. कर्मवीर उनग्रतवार, सहसचिव राजकुमार महाजन, कोषाध्यक्ष विलास तोटावार तसेच संस्थेच्या कार्यकारिणी मंडळाचे सदस्य सूर्यकांत नारलावार, देवेंद्र मोतेवार, गंगाधरराव जोशी, रवींद्रअप्पा द्याडे, चंद्रकांत नारलावार, गुरुराज चिद्रावार आणि विजय उनग्रतवार उपस्थित होते.

महाविद्यालयाचे प्राचार्य डॉ. मोहन खताळ, उपप्राचार्य डॉ. अनिल चिद्रावार, उपप्राचार्य डॉ. एम. एम. चमकुडे, उपप्राचार्य डॉ. व्ही. जी. शेरीकर, पर्यवेक्षक संग्राम पाटील आणि कार्यालय अधीक्षक गोविंद जोशी यांनीही प्रा. डॉ. पाटील यांना पुढील आयुष्यासाठी शुभेच्छा दिल्या.

कार्यक्रमाला महाविद्यालयातील प्राध्यापक, शिक्षकेतर कर्मचारी, विद्यार्थी, प्रा. डॉ. पाटील यांचे कुटुंबीय, नातेवाईक आणि मित्रपरिवार मोठ्या संख्येने उपस्थित होते. कार्यक्रमाचे सूत्रसंचालन प्रा. डॉ. संजय देबडे यांनी केले, तर आभार प्रा. संग्राम पाटील यांनी मानले.

३२ वर्षे १० महिन्यांच्या प्रदीर्घ शैक्षणिक सेवेनंतर सेवानिवृत्त झालेल्या प्रा. डॉ. संजय पाटील यांच्या पुढील आयुष्यासाठी सर्व स्तरांतून शुभेच्छा व्यक्त करण्यात आल्या.

🔴मुख्य संपादक: श्री शहाजी वरखिंडे                  मो. 9923072242