🔴 नायगाव पंचायत समितीत धडक कारवाई; ऑपरेटर पांडे यांची उचलबांगडी!

🔴 मनमानी कारभार भोवला! नायगाव पंचायत समितीत धडक कारवाई; डेटा एन्ट्री ऑपरेटर पांडे यांची उचलबांगडी.

घरकुल लाभार्थ्यांच्या तक्रारींसह वरिष्ठ कार्यालयांच्या पत्रव्यवहाराची गंभीर दखल.

शिवगर्जना न्यूज,

नायगाव : बाळासाहेब पांडे

घरकुल योजनेतील लाभार्थ्यांची अडवणूक, कामकाजातील अनियमितता, वरिष्ठांच्या सूचनांकडे दुर्लक्ष आणि अभियंत्यांच्या अधिकृत लॉगिनचा वापर करण्याऐवजी स्वतःच्या लॉगिनवरून घरकुलांचे फोटो अपलोड केल्याचा गंभीर प्रकार समोर आल्याने नायगाव पंचायत समिती प्रशासनाने अखेर कठोर पाऊल उचलले आहे. पंचायत समितीतील डेटा एन्ट्री ऑपरेटर एस. एम. पांडे यांना कार्यमुक्त करण्याचे आदेश गटविकास अधिकारी (वर्ग-१) पी. एन. वानखडे यांनी ३ नोव्हेंबर २०२६ रोजी जारी केले आहेत. या कारवाईमुळे पंचायत समितीच्या प्रशासकीय वर्तुळात मोठी खळबळ उडाली आहे.

यासंदर्भात पंचायत समिती नायगावच्या कार्यालयाकडून संबंधित डेटा एन्ट्री ऑपरेटरला अधिकृत पत्र देण्यात आले असून, त्यामध्ये कार्यमुक्त करण्यामागील कारणांचाही सविस्तर उल्लेख करण्यात आला आहे. या पत्रात लाभार्थ्यांनी पंचायत समिती कार्यालयासह वरिष्ठ कार्यालयांकडे वारंवार तक्रारी केल्याचे नमूद आहे. तसेच कामकाजात नेहमीच गैरमार्गाचा अवलंब होत असल्याचे आणि लाभार्थ्यांची जाणीवपूर्वक अडवणूक केली जात असल्याचे तक्रारींमधून निदर्शनास आल्याचे प्रशासनाने स्पष्ट केले आहे.

विशेष म्हणजे, संबंधित कर्मचाऱ्याला वारंवार तोंडी व लेखी सूचना देऊनही कामकाजात कोणतीही सुधारणा झाली नसल्याचे पत्रात नमूद करण्यात आले आहे. कार्यालयाच्या पूर्वपरवानगीशिवाय गैरहजर राहणे, नेमून दिलेली कामे विहित वेळेत पूर्ण न करणे आणि त्यामुळे तालुक्यातील घरकुल योजनांच्या कामकाजावर परिणाम होणे, या बाबींचीही गंभीर दखल घेण्यात आली आहे.

अभियंत्यांच्या लॉगिनचा वापर न करता स्वतःच फोटो अपलोड!

या संपूर्ण प्रकरणातील सर्वाधिक गंभीर बाब म्हणजे खैरगाव, कोलंबी, नरसी, मांजरम, नरंगल, देगाव यांसटिशीची दखल

संबंधित कर्मचाऱ्याच्या कामकाजाबाबत लाभार्थ्यांच्या तक्रारी, वरिष्ठ कार्यालयांचा पत्रव्यवहार, वृत्तपत्रांमध्ये प्रसिद्ध झालेल्या बातम्या तसेच यापूर्वी बजावण्यात आलेल्या कारणे दाखवा नोटिशीचा संदर्भ देत प्रशासनाने हा निर्णय घेतला आहे. विविध स्तरांवरून सूचना देऊनही कामकाजात सुधारणा न झाल्याने अखेर कार्यमुक्तीची कारवाई करण्यात आली.

मूळ प्रस्ताव, बिले आणि FTO जमा करण्याचे आदेश

कार्यकारी कारवाईसोबतच गटविकास अधिकारी पी. एन. वानखडे यांनी संबंधित ऑपरेटरला आणखी एक महत्त्वाचा आदेश दिला आहे. त्यांच्याकडे असलेले घरकुल योजनेचे संपूर्ण मूळ प्रस्ताव, देयके, अदा केलेली बिले तसेच स्वाक्षरी केलेल्या FTO (फंड ट्रान्सफर ऑर्डर) यांच्या प्रती तातडीने पंचायत समिती कार्यालयात जमा करण्याचे निर्देश देण्यात आले आहेत. या आदेशाचे पालन न केल्यास अन्य फौजदारी कारवाई करण्यात येईल, असा स्पष्ट इशाराही पत्राद्वारे देण्यात आला आहे.

गटविकास अधिकारी पी. एन. वानखडे यांनी स्वाक्षरी केलेल्या या अधिकृत पत्रामुळे पंचायत समिती प्रशासनाने व संबंधित कर्मचाऱ्याच्या कामकाजाची गंभीर दखल घेतल्याचे स्पष्ट झाले आहे.

घरकुल योजना ही ग्रामीण भागातील सर्वसामान्य, गरीब आणि गरजू कुटुंबांसाठी अत्यंत महत्त्वाची योजना आहे. अशा योजनांच्या अंमलबजावणीत लाभार्थ्यांची अडवणूक होणे, कामकाजात दिरंगाई होणे किंवा प्रशासकीय नियमांना बगल दिली जाणे, ही गंभीर बाब आहे. या पार्श्वभूमीवर नायगाव पंचायत समितीने केलेल्या या कारवाईमुळे शासकीय योजनांच्या कामकाजात पारदर्शकता आणि जबाबदारी निश्चित करण्याचा संदेश गेला आहे.

वादग्रस्त पांडे यांची चौकशी आवश्यक. 

अगोदरच वादग्रस्त ठरलेल्या पांडे यांच्या विरुद्ध दैनिक पुढारीसह इतर वर्तमान पत्रांनी बातम्या लावल्या नंतर पांडे यांची बिलोली येथे बदली झाली होती.पण आमदार यांचे तत्कालीन स्विय सहायक यांच्या सोबत आर्थिक उलाढाल करून

काही महिन्यातच नायगाव पंचायत समिती येथे बदली करून घेतली होती.हा प्रकार अंगलट आला असून पांडे यांनी घरकुल प्रकरणात भरपूर संपती जमा केल्याची चर्चा असून त्याच्या वयक्तिक चौकशीची मागणी जोर धरीत आहे.

🔴मुख्य संपादक: श्री शहाजी वरखिंडे                  मो. 9923072242