🛑 दुष्काळग्रस्त तालुका घोषित करा; शेतकऱ्यांना प्रति हेक्टर ₹२५ हजार मदत द्या – युवा ग्रामीण पत्रकार संघाची मागणी

🛑 बिलोली तालुका दुष्काळग्रस्त घोषित करा; शेतकऱ्यांना प्रतिहेक्टर ₹२५ हजार मदत द्या — युवा ग्रामीण पत्रकार संघाची मागणी.

शिवगर्जना न्यूज,

बिलोली प्रतिनिधी : विलास शेरे

बिलोली तालुक्यात सुरू असलेल्या खरीप हंगामात अत्यल्प पावसामुळे गंभीर परिस्थिती निर्माण झाली असून अनेक शेतकऱ्यांना दोन ते तीन वेळा पेरणी करूनही पीक उगवले नाही. उगवलेली पिके ही पावसाअभावी वाळून गेली आहेत. काही ठिकाणी निकृष्ट व बोगस बियाण्यांमुळे शेतकऱ्यांचे मोठे नुकसान झाल्याने त्यांच्यावर दुहेरी संकट ओढवले आहे.

या पार्श्वभूमीवर निर्भय युवा ग्रामीण पत्रकार संघ, बिलोली यांच्या वतीने तहसीलदार, बिलोली यांना निवेदन देण्यात आले. या निवेदनात बिलोली तालुका तातडीने दुष्काळग्रस्त घोषित करावा, नुकसानग्रस्त शेतकऱ्यांना प्रतिहेक्टर किमान ₹२५ हजार आर्थिक मदत द्यावी, पीककर्ज वसुली स्थगित करावी, पीक विमा दावे तातडीने मंजूर करावेत तसेच बोगस बियाणे विक्री करणाऱ्या विक्रेत्यांची चौकशी करून संबंधितांवर कठोर कारवाई करावी, अशी मागणी निवेदनावरे करण्यात आली असुन युवा ग्रामीण पत्रकार संघाचे बिलोली तालुकाध्यक्ष संजयकुमार बिलोलीकर, कार्याध्यक्ष सय्यद रियाज, मिलिंद मांजरमकर, गंगाधर शिंदे, इरेश मुडकर, राजन्ना मामिडवार, सुनील जेठे, सुरेश गाडेकर यादव कुडकेकर सिद्धार्थ वाघमारे, विनोद वाघमारे, साईनाथ सिनगारे, ज्ञानेश्वर कोकणे पत्रकार वैभव घाटे, युवराज धोत्रे  मारोती एडकेवार, शेख मुरतुजा शेरे विलास शंकर पवारे शेख अब्दुल गफार साई खंडेराय नागोराव लालापोड राजु आमटेवार दयानंद भद्रे आमोल शेरे महमुद पिंजारी दिपक गजभारे, साजीत खुरेशी अब्दुल रशीद धमानंद भेदेकर विनोद वाघमारे यांच्यासह पदाधिकारी व सदस्यांच्या स्वाक्षऱ्या आहेत. या निवेदनाच्या प्रती मुख्यमंत्री, महसूल राज्यमंत्री, पालकमंत्री, खासदार, आमदार, जिल्हाधिकारी, उपविभागीय अधिकारी, जिल्हा कृषी अधीक्षक व तालुका कृषी अधिकारी यांनाही पाठविण्यात आल्या आहेत.

संघाने शासनाला शेतकऱ्यांच्या हिताचा विचार करून तातडीने सकारात्मक निर्णय घेण्याचे आवाहन केले आहे.

🔴मुख्य संपादक: श्री शहाजी वरखिंडे

मो. 9923072242