🛑 देगलूर वार्ड क्रमांक ११ मध्ये काँक्रीट रस्त्याच्या कामाचे भूमिपूजन.

7

By Shahaji Warkhinde

July 16, 2026

🛑 देगलूर वार्ड क्रमांक ११ मध्ये काँक्रीट रस्त्याच्या कामाचे भूमिपूजन.

शिवगर्जना न्यूज,

देगलूर : प्रतिनिधी

9923072242

देगलूर शहरातील मूलभूत

सूविधांचा दर्जा उंचावण्यासाठी राष्ट्रवादी काँग्रेस पार्टी पुढाकारातून वॉर्ड क्रमांक ११ मध्ये नवीन काँक्रिट रस्त्याच्या कामाचे भूमिपूजन उत्साह पूर्ण वातावरणात पार पडले. या विकासकामामुळे परिसरातील नागरिकांना दर्जेदार रस्ता उपलब्ध होणार असून, पावसाळ्यात चिखल, खड्डे आणि पाणी साचण्याच्या समस्येपासून मोठा दिलासा मिळणार आहे.

राष्ट्रवादी काँग्रेसच्या विकासाभिमुख धोरणानुसार शहरातील विविध प्रभागांमध्ये विकासकामे सातत्याने राबविली जात आहेत. त्याचाच एक भाग म्हणून वॉर्ड क्रमांक ११ मधील काँक्रिट रस्त्याच्या कामाचा शुभारंभ करण्यात आला. या रस्त्यामुळे नागरिकांच्या दैनंदिन वाहतुकीत सुलभता येणार असून परिसराच्या विकासालाही चालना मिळणार आहे.

या भूमिपूजन सोहळ्यास राष्ट्रवादी काँग्रेसचे नेते लक्ष्मीकांत सावकार पद्दमवार यांच्या मार्गदर्शनाखाली प्रथम लोकनियुक्त महिला नगराध्यक्ष विजयमाला ताई बालाजी टेकाळे, त्यांचे प्रतिनिधी बालाजी श्रीधरराव टेकाळे, उपनगराध्यक्ष ॲड. अंकुश सुरेशराव देसाई, ज्येष्ठ नगरसेवक नंदकिशोर शाखावार सावकार, गट नेत्या उज्वला ताई लक्ष्मीकांत पद्दमवार तसेच राष्ट्रवादी काँग्रेसचे नव-निर्वाचित नगरसेवक यांच्या हस्ते भूमिपूजन करण्यात आले. यावेळी पक्षाचे पदाधिकारी, कार्यकर्ते आणि वॉर्ड क्रमांक ११ मधील नागरिक मोठ्या संख्येने उपस्थित होते. या कार्यक्रमात मान्यवरांनी शहराच्या सर्वांगीण विकासासाठी दर्जेदार, टिकाऊ आणि वेळेत पूर्ण होणाऱ्या कामांना प्राधान्य दिले जाईल, असे सांगितले. प्रत्येक विकासकामात गुणवत्ता आणि पारदर्शकता राखत नागरिकांच्या अपेक्षांनुसार सुविधा उपलब्ध करून देण्याचा नगरपरिषदेचा संकल्प असल्याचे त्यांनी स्पष्ट केले.

दरम्यान, स्थानिक नागरिकांनी ही या रस्त्याची मागणी अनेक वर्षांपासून प्रलंबित असल्याचे सांगत काम सुरू झाल्याबद्दल समाधान व्यक्त केले. या काँक्रिट रस्त्यामुळे शालेय विद्यार्थी, महिला, ज्येष्ठ नागरिक आणिं वाहनधारकांना सुरक्षित व सोयीस्कर प्रवास करता येणार न असून, पावसाळ्यातील गैरसोयी मोठ्या प्रमाणात कमी होतील, असा विश्वास नागरिकांनी व्यक्त केला.

देगलूर शहरातील प्रत्येक वॉर्डाचा समतोल विकास, आधुनिक पायाभूत सुविधा आणि मूलभूत नागरी सेवा अधिक सक्षम करण्यासाठी आगामी काळात ही विविध विकासकामे हाती घेतली जाणार असल्याची माहिती यावेळी मान्यवरांनी दिली. उत्साहपूर्ण वातावरणात पार पडलेल्या या भूमिपूजन सोहळ्यामुळे वॉर्ड क्रमांक ११ मधील विकासाच्या नव्या पर्वाला सुरुवात झाल्याची भावना उपस्थित नागरिकांनी व्यक्त केली.

🔴मुख्य संपादक: श्री शहाजी वरखिंडे

मो. 9923072242

Previous article

🛑 दुष्काळग्रस्त तालुका घोषित करा; शेतकऱ्यांना प्रति हेक्टर ₹२५ हजार मदत द्या – युवा ग्रामीण पत्रकार संघाची मागणी

Next article

🛑 पंचायत समिती येथे ग्रामविकास अधिकाऱ्यांच्या चौकशी मागणीसाठी आमरण उपोषण

Shahaji Warkhinde

ताज्या बातम्या

ताज्या बातम्या