🛑 महाराष्ट्र राज्य यांच्या संयुक्त विद्यमाने ८ वे कविसंमेलनात कवी, मा. ॲड.उमाकांत आदमाने यांचा जाहीर सत्कार

🔴 अ.भा.म.सा. परिषद संचलित कला गोविंद शिक्षण प्रसारक मंडळ व पोलीस मित्र संघ, महाराष्ट्र राज्य यांच्या संयुक्त विद्यमाने ८ वे कवि समेलनात कवी, निवेदक मा. ॲड.उमाकांत आदमाने (नोटरी, भारत सरकार) यांचा जाहीर सत्कार. 

शिवगर्जना न्यूज, 

पूणे : प्रतिनिधी

दिनांक १० मे २०२६ रोजी अखिल भारतीय मराठी साहित्य परिषद संचलित कला गोविंद शिक्षण प्रसारक मंडळ व पोलीस मित्र संघ, महाराष्ट्र राज्य यांच्या संयुक्त विद्यमाने ८ वे कविसंमेलन उरुळी कांचन, पुणे येथील रवींद्र कला मंदीर येथे आयोजित करण्यात आले होते. हे कविसंमेलन दोन सत्रात पार पडले. या संमेलनाचे संयोजक व निमंत्रक हे मा. प्रा.श्री. सुरेशजी वाळेकर हे होते. 

यावेळी संमेलनाध्यक्ष, राष्ट्रपती पोलिस पदक मानकरी लोककवी मा. सिताराम नरके, जेष्ठ कवी/साहित्यिक मा. प्रा. डाॅ. शैलेंद्र भणगे, मा. श्री. के. डी. बापु कांचन, जेष्ठ कवी श्री. सूर्यकांत नामगुडे, मा. वनअधिकारी/जेष्ठ कवी श्री. लक्ष्मण शिंदे, जेष्ठ कवी/साहित्यिक श्री. किशोर टिळेकर इत्यादी मान्यवर उपस्थित होते. संमेलनाचे बहारदार सूत्रसंचालन हे निवेदनाची उत्कृष्ट जाण असलेले ॲड.उमाकांत आदमाने व रानकवी श्री. जगदीप वनशिव यांनी केले. याप्रसंगी संगीत कला मंच, उरूळी कांचन येथील संगीत प्रशिक्षक मा. श्री. शिवराज साने यांनी व त्यांच्या गुणी विद्यार्थी, विद्यार्थिनींनी स्वागतगीत, पोवाडा, गवळण या कला प्रकाराद्वारे आपल्या उत्कृष्ट कलेचे दर्शन घडवून संमेलनाची रंगत वाढवली.

८ वे कविसंमेलन उरुळी कांचन, पुणे कवी संमेलनाची सुरुवात दीपप्रज्वलन, भजन आणि सावित्रीबाई फुले यांच्या पूजनाने झाली असून त्यानंतर स्वागतगीत, व मान्यवरांचे सत्कार तद्नंतर १० कवी आणि कवयित्रींना संस्थेच्या वतीने राज्यस्तरीय पुरस्कार मान्यवरांच्या हस्ते देण्यात प्रदान करण्यात आला, त्यानंतर दुस-या सत्रात ६५ कवींनी अतिशय सुंदर वातावरणात खुप छान पैकी कविता सादर केल्या.

पुणे येथील कवी, साहित्यिक, निवेदक मा. ॲड. उमाकांत आदमाने (नोटरी, भारत सरकार) यांनी या अगोदर अनेक जिल्हास्तरीय, राज्यस्तरीय, राष्ट्रीय स्तरावर निवेदकाची भूमिका बजावत कवी प्रेमींना आपल्या आवाजाच्या जादूने मंत्रमुग्ध केलेले आहे, आज देखील उरुळी कांचन, पुणे येथील रवींद्र कला मंदीर येथे ८ वे राज्यस्तरीय कवी संमेलनात बहारदार सूत्र संचालन करून कवी संमेलन यशस्वी पार पाडले त्याबद्दल जेष्ठ कवी/साहित्यिक मा. प्रा. डाॅ. शैलेंद्र भणगे, मा. श्री. के.डी. बापु कांचन, जेष्ठ कवी श्री. सूर्यकांत नामगुडे, मा. वनअधिकारी/जेष्ठ कवी श्री. लक्ष्मण शिंदे, जेष्ठ कवी/साहित्यिक श्री. किशोर टिळेकर आणि संस्थेचे संस्थापक अध्यक्ष मा. डॉ. सुरेश वाळेकर व निमंत्रक / आयोजक / संयोजक अ भा म सा परिषद संचलित कला गोविंद शिक्षण प्रसारक मंडळ व पोलीस मित्र संघ परिवाराच्या हस्ते आकर्षक सन्मानचिन्ह, सन्मानपत्र व शाल देऊन कवी, निवेदक मा. ॲड.उमाकांत आदमाने (नोटरी, भारत सरकार) यांना गौरविण्यात आले.

🔴मुख्य संपादक: श्री शहाजी वरखिंडे  9923072242