🛑 संगीत कलेचा राज्यस्तरीय पुरस्कार प्रदान — शिवराज साने

🔴 संगीत लोककला मंच ऊरूळी कांचन पुणे यांना संगीत कलेचा राज्यस्तरीय पुरस्कार प्रदान — शिवराज साने. 

शिवगर्जना न्यूज

पूणे प्रतिनिधी

अखिल भारतीय मराठी साहित्य परिषद, कला गोविंद शिक्षण प्रसारक मंडळ व पोलिस मित्र संघ महाराष्ट्र राज्य यांच्या संयुक्त विद्यमाने रविवार दिनांक १०/ ०५/२०२६ रोजी सकाळी १० वाजता आठवे कवी संमेलन, पुस्तक प्रकाशन व पुरस्कार वितरण सोहळा २०२६ पुण्यातील ऊरूळी कांचन येथील महात्मा गांधी विद्यालय रविंद्र कला मंदिर येथे पार पडला. कवी संमेलनाचे अध्यक्षस्थान म्हणून राष्ट्रपती पोलीस पदक विजेते व अभिनेते, सुप्रसिद्ध कवी श्री सिताराम नरके यांनी भुषविले. कार्यक्रमाची सुरुवात दीपप्रज्वलनाने व महात्मा फुले व सावित्रीबाई फुले या महामानवांच्या प्रतिमेचे पूजन करून करण्यात आली. महात्मा गांधी सर्वोदय संघाचे सचिव श्री सोपान (बापू) कांचन विश्वस्त श्री महादेव कांचन, राजाराम कांचन जेष्ठ साहित्यिक श्री सुर्यकांत नामुगडे, शिक्षण व क्रीडा जि.प. पुणे सदस्य सौ. सुरेखा हरगुडे महात्मा गांधी विद्यालय ऊरूळी कांचन या विद्यालयाचे प्राचार्य श्री भरत भोसले कवी संगीतकार श्री सतीश कांबळे इत्यादी मान्यवर उपस्थित होते. कार्यक्रमाची सुरुवात स्वागत गीताने झाली. स्वागत गीताचे सादरीकरण साने संगीत क्लासेसचे विद्यार्थ्यांनी केले. गीता बरोबरच अभंग, गवळण, छत्रपती शिवाजी महाराजांचा पोवाडा, मराठी व हिंदी गाणी उत्कृष्ट सादर केली. संस्कृती अंधारे, सोनाली सुकाळ, संकेत खंडागळे, आदित्य लोखंडे, वैष्णवी साळूंखे, आरोही साळूंखे, श्रीशा काकडे, काळूराम जाधव, सुयश घनवट, हर्षद बोबडे, या विद्यार्थ्यांनी गायन वादन संगीत कलेचे उत्कृष्ट सादरीकरण केले म्हणून त्यांना सन्मान पत्र देऊन गौरविण्यात आले. उपस्थित कवींनी स्वरचित रचलेल्या कविता सादर केल्या. कवी संमेलनाचे औचित्य साधून संगीत क्षेत्रात उल्लेखनीय कामगिरी केल्याबद्दल श्री शिवराज साने सर यांना संगीत रत्न पुरस्कार देऊन गौरविण्यात आले. श्री शिवराज साने यांनी व्यसन मुक्ती, अंधश्रद्धा निर्मूलन स्त्री भ्रूणहत्या रोखण्यासाठी कार्यक्रम, आरोग्य, हुंडाबंदी असे समाज प्रबोधन करणे लोकगीते, भारूडे, महापुरुषांच्या कार्याचा गीतातून गुणगौरव करून समाज प्रबोधन करण्याचे काम अविरतपणे केले. त्यांच्या कार्याची दखल घेऊन त्यांना उत्कृष्ट संगीतकार पुरस्कार देऊन गौरविण्यात आले आहे. कार्यक्रमाचे आयोजन अखिल भारतीय मराठी साहित्य परिषद पुणे जिल्हाध्यक्ष व पोलिस मित्र संघ महाराष्ट्र राज्याचे विभागीय अध्यक्ष श्री सुरेश वाळेकर यांनी केले तर सुत्रसंचलन ॲड उमाकांत अदमाने यांनी केले.

🔴मुख्य संपादक: श्री शहाजी वरखिंडे 9923072242