🔴 शिवराज पाटील होटाळकर यांचा ‘महाराष्ट्र भूषण सन्मान २०२५’ प्रदान.

🔴 मंगल पसाद लोढा यांच्या हस्ते शिवराज पाटील होटाळकर यांचा ‘महाराष्ट्र भूषण सन्मान २०२५’ प्रदान; सहपत्नी सत्काराने सोहळा दिमाखात संपन्न. 

शिवगर्जना न्यूज, 

नायगाव : निळकंठ जाधव

नांदेड जिल्ह्यातील ग्रामीण शिक्षण, सामाजिक कार्य आणि सांस्कृतिक क्षेत्रातील उल्लेखनीय योगदानाबद्दल नांदेड लक्ष जिल्ह्यातील शिवराज पाटील पवार होटाळकर यांना प्रतिष्ठेचा ‘महाराष्ट्र भूषण सन्मान २०२५’ प्रदान करण्यात आला. मुंबई येथील यशवंतराव चव्हाण सेंटर येथे पार पडलेल्या राज्यस्तरीय भव्य सोहळ्यात महाराष्ट्र राज्याचे कौशल्य विकास व उद्योजकता तसेच उद्योग मंत्री मंगलप्रसाद लोढा यांच्या हस्ते होटाळकर यांच्या सहपत्नी सत्कार करण्यात आला.

‘व्हॉईस ऑफ मीडिया’, ‘व्ही.ओ.एम. इंटरनॅशनल फोरम’ आणि आयुष्यमान भारत मिशन महाराष्ट्र समिती यांच्या संयुक्त विद्यमाने हा राज्यस्तरीय सन्मान प्रदान करण्यात आला. कार्यक्रमाच्या अध्यक्षस्थानी आयुष्यमान भारत मिशनचे अध्यक्ष ओमप्रकाश शेटे होते. ‘व्हॉईस ऑफ मीडिया’ संस्थापक अध्यक्ष संदीप काळे यांच्यासह विविध क्षेत्रातील मान्यवर उपस्थित होते.

ग्रामीण भागातील विद्यार्थ्यांना शिक्षणाच्या मुख्य प्रवाहात आणण्यासाठी मा. जिल्हा अध्यक्ष राष्ट्रवादी काँग्रेस शिवराज पाटील होटाळकर यांनी सातत्याने प्रयत्न केले आहेत. शिक्षण, सांस्कृतिक आणि सामाजिक क्षेत्रात त्यांनी केलेल्या कार्यामुळे अनेक विद्यार्थ्यांना शिक्षणाची संधी उपलब्ध झाली असून ग्रामीण भागात सकारात्मक परिवर्तन घडविण्यात त्यांचा मोलाचा वाटा राहिला आहे. राजकीय क्षेत्रात सक्रिय असतानाही समाजकारणाची धुरा समर्थपणे सांभाळत त्यांनी ग्रामीण विकासासाठी केलेले कार्य विशेष ठरले आहे.

या वर्षीच्या ‘महाराष्ट्र भूषण सन्मान २०२५’ चे मानकरी म्हणून अशोक काकडे-देशमुख (जिल्हाधिकारी, सांगली) सत्यपाल महाराज (प्रबोधनकार, कीर्तनकार) सारडा कचरू हिरालाल (समाजसेवक) शिवराज पाटील पवार होटाळकर (ग्रामीण शैक्षणिक कार्य, नांदेड) आणि प्रा. डॉ. सविता गिरे पाटील (ग्रामीण मुलींच्या शिक्षणासाठी कार्य) यांचा गौरव करण्यात आला.

सन्मानाबद्दल भावना व्यक्त करताना शिवराज पाटील होटाळकर म्हणाले, “हा सन्मान माझा एकट्याचा नसून ग्रामीण भागातील विद्यार्थी, शिक्षक, पालक आणि माझ्यावर विश्वास ठेवणाऱ्या सर्व सहकाऱ्यांचा आहे. ग्रामीण भागातील मुलांना शिक्षणाच्या संधी उपलब्ध करून देण्याचे माझे ध्येय पुढेही अधिक जोमाने सुरू राहील.”

या सन्मानामुळे नांदेड आणि नायगाव परिसरात आनंदाचे वातावरण असून विविध स्तरांतून होटाळकर यांच्यावर अभिनंदनाचा वर्षाव होत आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)