🛑 देगलूर – नांदेड मार्गावरील खड्ड्यांमुळे वाहतुकीस अडथळा; रस्ता दुरुस्तीची नागरिकांची मागणी..

🛑 देगलूर – नांदेड मार्गावरील खड्ड्यांमुळे वाहतुकीस अडथळा; रस्ता दुरुस्तीची नागरिकांची मागणी.

♦️संभाजी ब्रिगेडच्या वतीने लोकशाही मार्गाने तीव्र आंदोलनाचा इशारा….

शिवगर्जना न्यूज,

देगलूर प्रतिनिधी

देगातूर- नांदेड हा अत्यंत महत्वाचा, वर्दळीचा आणि मोठ्या प्रमाणावर वाहतूक असलेला मार्ग आहे. देगातूर तालुक्यातील हजारो नागरीकांना नांदेड जिल्हयाच्या ठिकाणी जाण्यासाठी हा प्रमुख मार्ग असून, या मार्गावर एस.टी. बस, खाजगी वाहने, दुचाकी, मालवाहतूक करणारी वाहने, रुग्णाबाहीका इतर वाहनांची दिवस रात्र मोठ्या प्रमाणावर वर्दळ असते.

मात्र एवढया महत्वाच्या मार्गाची सध्या अत्यंत दयनीय अवस्था झाली असून, देगलूर-नांदेड मार्गावरील देगालूर-खानापूर फाटा, बारगा परिसरासह विविध ठिकाणी पडलेले जिवघेणे खड्डे पडले आहेत. या खडयांमध्ये वाहनचालकांना अक्षरशः जीव मुठीत धरुन प्रवास कराया लागत असून अपघाताचा धोका दिवसेंदिवस वाढत आहे. स्थानिक नागरीकांच्या माहितीनुसार या खडयामुळे या परिसरात यापूर्वीही अपघात घडले आहेत.

या परिस्थितीत सर्वात गंभीर बाब म्हणजे एका बाजूला रस्त्यावर जिवघेणे खड्डे आणि दुसऱ्या बाजूला वाहणचालकांकडून नियमीत टोल बसूली सुरु आहे. नागरीकांकडून टोलच्या माध्यमातून शुल्क वसूल केले जाते. मात्र त्यांना सुरक्षित, सुस्थितीत खड्डे मुक्त रस्ता उपलब्ध करुन देण्याची जबाबदारी योग्य पध्दतीने पार पाडली जात नसल्याचे चित्र दिसून येत आहे. टोल बसूली नियमीत करायची आणि रस्त्याच्या देखभाल दुरुस्तीकडे डोळेझाक करायची, हा प्रकार अत्यंत गंभीर आहे. एखादा मोठा अपघात होऊन निष्पाप नागरीकाचा जीव गेल्यानंतरच प्रशासनाला जाग येणार आहे का? असा संतप्त सवाल नागरीकांकडून उपस्थित होत आहे.

देगलूर- नांदेड मार्ग हा केवळ वाहतूकीचा रस्ता नसून हजारो नागरीकांच्या शिक्षण, रोजगार, आरोग्यसेवा, व्यापार आणि जिल्हा प्रशासनाशी संपर्काचा महत्वाचा दुवा आहे. त्यामुळे या मार्गाची दुरावस्था ही केवळ गैरसोय नसून नागरीकांच्या जिविताच्या सुरक्षेशी संबधित गंभिर बाब आहे. त्यामुळे संबधित विभागाने कोणत्याही प्रकारची दिरंगाई न करता संपुर्ण-देगलूर-नांदेड मार्गाची तातडीने प्रत्यक्ष पाहणी करुन धोकादायक खड्डे बुजावावेत आणि संपूर्ण मार्ग वाहतूकीस सुरक्षित करावा.

नागरीकांच्या जिविताच्या सुरक्षेसाठी संभाजी ब्रिगेड नांदेड जिल्हा टिम वतीने लोकशाही मार्गाने तिव्र आंदोलन, रास्ता रोका व संबंधित विभागाविरोधात निषेध आंदोलन छेडण्यात येईल. आंदोलनामुळे निर्माण होणाऱ्या परिस्थितीतस संबधित विभाग, जबाबदार अधिकारी, रस्ता देखभाल यंत्रणा आणि संबंधित टोल प्रशासन जबाबदार राहील अशा आशयाचे निवेदन संभाजी ब्रिगेड नांदेड जिल्हा संघ च्या वतीने उपजिल्हाधिकारी देगलूर यांना देण्यात आले.

यावेळी जेजेराव पाटील शिंदे संभाजी ब्रिगेड जिल्हा अध्यक्ष, संतोष चिद्रावर जि. उपाध्यक्ष, अमृत पाटील आलूरकर जि. उपाध्यक्ष, शहाजी बाबारे ता. अध्यक्ष, संतोष पा. हेडगूडे, नरसिंग अन्नमवार, पांडुरंग पूठ्ठेवाड संपादक देगलूर रानफूल, शहाजी वरखिंडे शिवगर्जना न्यूज संपादक आदीची उपस्थिती होती.

🔴मुख्य संपादक: श्री शहाजी वरखिंडे

मो. 9923072242