🛑 जायकवाडी प्रकरणात वंचितचा दणका; जिल्हाधिकाऱ्यांचा ‘जैसे थे’ आदेश!

🛑 जायकवाडी प्रकरणात वंचितचा दणका; जिल्हाधिकाऱ्यांचा ‘जैसे थे’ आदेश!

शिवगर्जना न्यूज,

प्रतिनिधी : दिपक गजभारे

नांदेड : लोहा शहरातील जायकवाडी वसाहतीतील पंचशील ध्वज व संबंधित जमिनीच्या प्रश्नावर वंचित बहुजन आघाडीने केलेल्या सातत्यपूर्ण पाठपुराव्याला यश आले असून, या प्रकरणात नांदेड जिल्हाधिकाऱ्यांनी ‘जैसे थे’ स्थिती कायम ठेवण्याचे आदेश दिले आहेत. त्यामुळे या प्रकरणाला महत्त्वपूर्ण वळण मिळाले आहे.

जायकवाडी वसाहतीतील संबंधित ठिकाणी मागील अनेक वर्षांपासून पंचशील ध्वज असल्याचे सांगण्यात येते. मात्र काही व्यक्तींनी पंचशील ध्वज काढून टाकल्याने समाजामध्ये तीव्र नाराजी निर्माण झाली होती. या घटनेच्या निषेधार्थ वंचित बहुजन आघाडीच्या वतीने प्रचंड जनआक्रोश मोर्चा काढून तहसील कार्यालयावर तीव्र निषेध नोंदविण्यात आला होता.

८ ऑगस्ट रोजी वंचित बहुजन आघाडी व सकल बौद्ध समाजाच्या वतीने संबंधित वादग्रस्त जागेवर पंचशील ध्वजाची पुनर्स्थापना करण्यात आली होती. सुजात आंबेडकर यांनी केली होती पाहणी वंचित बहुजन आघाडीचे युवा नेते सुजात आंबेडकर यांनी जायकवाडी येथील संबंधित ठिकाणी भेट देऊन परिस्थितीची पाहणी केली होती. यावेळी त्यांनी संबंधित प्रश्नाची माहिती घेत समाजाच्या भावना जाणून घेतल्या. पंचशील ध्वज हा केवळ ध्वज नसून समता, स्वातंत्र्य, बंधुता आणि न्यायाच्या मूल्यांचे प्रतीक आहे, अशी भूमिका वंचित बहुजन आघाडीच्या पदाधिकाऱ्यांनी व्यक्त केली. जिल्हाधिकारी यांच्या बैठकीत महत्त्वपूर्ण निर्णय

या प्रकरणी वंचित बहुजन आघाडीच्या शिष्टमंडळाने नांदेडचे पोलीस अधीक्षक व जिल्हाधिकारी यांची भेट घेऊन संबंधित प्रकरणाबाबत सविस्तर चर्चा केली. जिल्हाधिकारी कार्यालयात झालेल्या महत्त्वपूर्ण बैठकीनंतर संबंधित ठिकाणी ‘जैसे थे’ स्थिती कायम ठेवण्याचे आदेश देण्यात आले. या निर्णयामुळे वंचित बहुजन आघाडीच्या सातत्यपूर्ण पाठपुराव्याला यश मिळाल्याची भावना पदाधिकारी व कार्यकर्त्यांनी व्यक्त केली. शिष्टमंडळात पदाधिकारी व सामाजिक कार्यकर्त्यांचा सहभाग

जिल्हाधिकारी कार्यालयात झालेल्या बैठकीस पूज्य भदंत पय्या बोधीजी महाथेरो, वंचित बहुजन आघाडीचे जिल्हाध्यक्ष शंकर महाजन, जिल्हा महासचिव रवि पंडित, जिल्हा उपाध्यक्ष विनायक गजभारे, सामाजिक कार्यकर्ता छगन हटकर, नामदेवराव बुद्धे, भैय्यासाहेब खिल्लारे यांच्यासह वंचित बहुजन आघाडीचे विविध पदाधिकारी व कार्यकर्ते मोठ्या संख्येने उपस्थित होते. पंचशील ध्वजाच्या प्रश्नावर पाठपुरावा सुरूच ठेवण्याचा निर्धार. या प्रकरणात महत्त्वपूर्ण दिलासा मिळाला असला तरी संबंधित जमिनीचा प्रश्न कायदेशीर व प्रशासकीय पातळीवर पूर्णपणे निकाली निघे पर्यंत लोकशाही व संविधानिक मार्गाने पाठपुरावा सुरू ठेवण्याचा निर्धार वंचित बहुजन आघाडीच्या पदाधिकाऱ्यांनी व्यक्त केला.

जायकवाडी प्रकरणातील ‘जैसे थे’ आदेशामुळे वंचित बहुजन आघाडीच्या आंदोलनाला आणि सातत्यपूर्ण पाठपुराव्याला महत्त्वपूर्ण यश मिळाल्याची भावना पदाधिकारी व कार्यकर्त्यांकडून व्यक्त होत आहे.

🔴मुख्य संपादक: श्री शहाजी वरखिंडे

मो. 9923072242