🛑 देगलूरातील आधार केंद्र ४ महिन्यांपासून बंद; केंद्र सुरू करण्यासाठी पोस्ट ऑफिसला घेराव

1

By Shahaji Warkhinde

August 19, 2026

🔴 देगलूरातील आधार केंद्र ४ महिन्यांपासून बंद; केंद्र सुरू करण्यासाठी पोस्ट ऑफिसला घेराव.

शिवगर्जना न्यूज,

देगलूर प्रतिनिधी

देगलूर तालुक्यातील पोस्ट ऑफीसला चालू असलेले एकमेव आधार केंद्र मागील चार महिन्यांपासून बंद असल्याने आधार कार्ड काढण्यासाठी नागरिकांना अनेक समस्यांना तोंड द्यावे लागत असल्याने सदरील आधार केंद्र त्वरित चालू करण्यात यावे या मागणीसाठी शिवसेना उद्धव बाळासाहेब ठाकरे पक्षाच्या वतीने पोस्ट अधिकारी पवार यांना घेराव घालून नांदेडच्या मुख्य पोस्ट ऑफीसरला मोबाईलवरून संपर्क साधून आधार केंद्र त्वरित चालू न केल्यास पोस्ट ऑफीसला कुलूप लावून तीव्र निदर्शने धरणे आंदोलन करण्याचा इशारा देण्यात आला.

या बाबतीत अधिक माहिती अशी की देगलूर हे तेलंगणा, कर्नाटक आंध्र सीमेवर असल्याने येथील पोस्ट ऑफीसला चालू असलेल्या तीन्ही राज्यातील शैक्षणिक व इतर शासकीय कामांसाठी आधार कार्ड नोंदणी करण्यासाठी स्त्री, पुरुष, वृद्ध लहान बालके, सकाळी पाच वाजेपासून सर्व कामधंदा सोडून भुक तहान विसरून लाईन मध्ये उभे रहावे लागत होते पण तेही एकमेव आधार केंद्र मागील चार महिन्यांपासून बंद असल्याने शैक्षणिक व शासकीय कामांसाठी आधार नोंदणी करण्यासाठी नागरिकांनी अनेक समस्यांना तोंड द्यावे लागत आहे. त्यामुळे बंद असलेले एकमेव आधार कार्ड नोंदणी केंद्र त्वरित चालू करण्यात यावे अशी मागणी करीत शिवसेना उद्धव बाळासाहेब ठाकरे पक्षाच्या वतीने पोस्ट अधिकारी पवार यांना घेराव घालून नांदेडच्या मुख्य पोस्ट ऑफीसरला कुलकर्णी यांना मोबाईल फोनवरून सदरील आधार कार्ड नोंदणी केंद्र त्वरित चालू करण्यात यावे अन्यथा पोस्ट ऑफीसला कुलूप लावून तीव्र निदर्शने धरणे आंदोलन करण्यात येईल असा इशारा देण्यात आला.

यावेळी शिवसेना उपजिल्हाप्रमुख महेश पाटील, देगलूर बिलोली विधानसभा मतदारसंघ पांडुरंग पाटील थडके देगावकर, देगलूर शहर प्रमुख भगवान जाधव, शिवाजी सोनकांबळे मुजळगेकर, हाणमंत देशमुख ढोसणीकर, खानापूरकर केरले आदींसह इतर पदाधिकारी उपस्थितीत होते.

🔴मुख्य संपादक: श्री शहाजी वरखिंडे

मो. 9923072242

Previous article

🛑 उत्पादन खर्च कमी, विषमुक्त अन्ना’चा संदेश; कांडाळ्यात नैसर्गिक शेती प्रशिक्षण उत्साहात.

Shahaji Warkhinde

ताज्या बातम्या

ताज्या बातम्या