🛑 भारताचा टी-२० विश्वचषकावर पुन्हा कब्जा; फायनलमध्ये ऐतिहासिक विजय

🔴 भारताचा टी-२० विश्वचषकावर पुन्हा कब्जा; फायनल मध्ये न्यूझीलंडचा दणदणीत पराभव. 

💥🔥 संजू सॅमसनची तुफानी खेळी, बुमराहची घातक गोलंदाजी; भारताने जिंकला तिसरा टी-२० विश्वचषक. 

शिवगर्जना न्यूज, 

उपसंपादक निळकंठ जाधव

आयसीसी टी-२० विश्वचषक २०२६ च्या अंतिम सामन्यात भारताने न्यूझीलंडचा दणदणीत पराभव करत विश्वचषकावर पुन्हा नाव कोरले. नरेंद्र मोदी स्टेडियमवर झालेल्या या सामन्यात भारताने सर्व प्रथम फलंदाजी करत २० षटकांत ५ बाद २५५ धावांचा विक्रमी डोंगर उभा केला.

भारतीय डावात संजू सॅमसनने ४६ चेंडूत ८९ धावांची तुफानी खेळी करत संघाला भक्कम पाया दिला. अभिषेक शर्माने ५२ तर ईशान किशनने ५४ धावांची जलद अर्धशतके झळकावत भारताची धावसंख्या २५५ पर्यंत नेली. टी-२० विश्वचषकाच्या अंतिम सामन्यातील ही आतापर्यंतची सर्वाधिक धावसंख्या ठरली.

२५६ धावांच्या अवघड लक्ष्याचा पाठलाग करताना न्यूझीलंडचा डाव भारतीय गोलंदाजांसमोर कोसळला. टिम सायफर्टने अर्धशतक करत झुंज देण्याचा प्रयत्न केला, मात्र जसप्रीत बुमराहच्या अचूक माऱ्यासमोर न्यूझीलंडचे फलंदाज टिकू शकले नाहीत. न्यूझीलंडचा डाव १४३ धावांवर आटोपला.

या विजयासह भारताने टी-२० विश्वचषक तिसऱ्यांदा जिंकत इतिहास रचला. संपूर्ण स्पर्धेत दमदार कामगिरी करणाऱ्या भारतीय संघाने अंतिम सामन्यातही आक्रमक खेळ करत क्रिकेट प्रेमींना जल्लोषाचा क्षण दिला.

शिवगर्जना न्यूज संपादक : श्री शहाजी वरखिंडेबातम्या व जाहिरातीसाठी संपर्क 🗣📲📞  (9923072242)