🔥 उत्कृष्ट पत्रकारितेचा गौरव! ‘शिवगर्जना न्यूज’चे मराठवाडा प्रतिनिधी बाळासाहेब पांडे यांचा सन्मान

🔥 उत्कृष्ट पत्रकारितेचा गौरव! ‘शिवगर्जना न्यूज’चे मराठवाडा प्रतिनिधी बाळासाहेब पांडे यांचा सन्मान.

शिवगर्जना न्यूज,

नायगाव प्रतिनिधी : परमेश्वर पा. जाधव

व्हॉईस ऑफ मीडिया संघटना मराठवाडा उपाध्यक्षपदी निवड झाल्याबद्दल तसेच डॉ. बाबासाहेब आंबेडकर संशोधन व प्रशिक्षण संस्था (बार्टी) आणि समाजकल्याण विभागाच्या विविध योजना व सामाजिक उपक्रमांना आपल्या लेखणीतून प्रसिद्धी देत सामाजिक कार्याला प्राधान्य दिल्याबद्दल पत्रकार तथा पर्यवेक्षक बाळासाहेब पांडे (मांजरमकर) यांचा बार्टीच्या वतीने गौरव करण्यात आला.

दि. २१ ऑगस्ट रोजी कोलंबी येथील श्री. शंकरराव चव्हाण माध्यमिक व उच्च माध्यमिक विद्यालयात हा सत्कार सोहळा पार पडला. बार्टीचे नायगाव तालुका समतादूत दिलीप सोंडारे यांनी विद्यालयात जाऊन विद्यार्थी व शिक्षकांच्या उपस्थितीत बाळासाहेब पांडे यांना सन्मानचिन्ह, शाल व पुष्पहार प्रदान करून त्यांचा सत्कार केला.

बाळासाहेब पांडे यांनी पर्यवेक्षक म्हणून कार्यरत असताना विद्यालयातील विद्यार्थ्यांच्या सर्वांगीण विकासासाठी भाषण, सांस्कृतिक, क्रीडा तसेच विविध स्पर्धांचे आयोजन करून विद्यार्थ्यांना व्यासपीठ उपलब्ध करून दिले आहे. संविधान समता सप्ताहाच्या निमित्ताने भाषण, निबंध, रांगोळी यांसह विविध स्पर्धांमध्ये विद्यार्थ्यांचा सहभाग वाढविण्यात त्यांचे विशेष योगदान राहिले आहे.

बार्टी तसेच समाजकल्याण विभागाच्या विविध योजना, उपक्रम आणि कार्यक्रमांचे आयोजन करून त्याची माहिती सर्वसामान्यांपर्यंत पोहोचविण्यासाठी पांडे यांनी सातत्याने पुढाकार घेतला. या सामाजिक कार्याची तसेच पत्रकारितेच्या माध्यमातून केलेल्या योगदानाची दखल घेत बार्टीच्या वतीने त्यांचा सन्मान करण्यात आल्याचे समतादूत दिलीप सोंडारे यांनी सांगितले.

यावेळी विद्यार्थ्यांना बार्टी व समाजकल्याण विभागाच्या विविध योजना, शैक्षणिक सुविधा आणि उपक्रमांची माहिती दिली. विद्यालयासह शिक्षकांना विविध पुरस्कारांनी गौरविण्यात आल्याने बार्टीच्या वतीने ही पांडे यांचा सन्मान करण्यात आला.

या कार्यक्रमास मुख्याध्यापक रामशेटवाड, प्रा. जे.डी. पाटील, एम.आर. सालेगाये, प्रा. सौ. अलका कदम, प्रा. येडे, महानंदा पत्रे, मंगरूळ मॅडम, व्ही. पी. जाधव, कुलदीप कदम, गणेश शिंदे, बालाजी मोखेडे, तानाजी मारकवाड यांच्यासह शिक्षक, कर्मचारी व विद्यार्थी मोठ्या संख्येने उपस्थित होते.

🔴मुख्य संपादक: श्री शहाजी वरखिंडे

मो. 9923072242