🛑 निरोगी अन्नधान्यासाठी बांधावरील निविष्ठा केंद्र : शेती, आरोग्य आणि राष्ट्रहिताचा नवा पाया.

🔴 निरोगी अन्नधान्यासाठी बांधावरील निविष्ठा केंद्र : शेती, आरोग्य आणि राष्ट्रहिताचा नवा पाया. 

शिवगर्जना न्यूज

नायगाव ता. प्रतिनिधी.

परमेश्वर पा. जाधव

आजच्या काळात शेती समोरील सर्वात मोठे आव्हान केवळ उत्पादन वाढवण्याचे नसून निरोगी, विषमुक्त आणि पोषण मूल्यांनी समृद्ध अन्नधान्याची निर्मिती करणे हे आहे. रासायनिक खतं व कीटकनाशकांच्या अति वापरामुळे मातीचा जीव मरत चाललेला आहे, मानवी आरोग्यावर गंभीर परिणाम होत आहेत आणि शेतीचा खर्च दिवसेंदिवस वाढत आहे. अशा परिस्थितीत शेतकरी माधव चिंतले यांनी उचललेले पाऊल हे केवळ वैयक्तिक शेती पुरते मर्यादित नसून संपूर्ण समाजाच्या आरोग्यासाठीची दीर्घकालीन गुंतवणूक आहे.

बांधावरील निविष्ठा केंद्र : शेतीतील आत्मनिर्भरतेकडे वाटचाल माधव चिंतले टाकळीकर आपल्या शेताच्या बांधावर निविष्ठा केंद्राची उभारणी केली असुन, या केंद्रामध्ये पूर्णतः नैसर्गिक व जैविक पद्धतीने विविध उपयुक्त जिवाणूंची निर्मिती, ट्रायकोडर्मा व मेटारायझियम सारखी जैविक कीडनियंत्रक औषधे, झाडपाल्यांचे सर्व प्रकारचे अर्क, गांडूळ खत, तसेच बायोगॅस स्लरी व सेंद्रिय निविष्ठा याची  निर्मिती होणार आहे. या सर्व घटकांचा उद्देश फक्त उत्पादन वाढवणे नसून माती जिवंत ठेवणे, पिकांची नैसर्गिक प्रतिकार शक्ती वाढवणे आणि शेवटी मानवी आरोग्य सुरक्षित ठेवणे व खर्च मोठा आरोग्यापुढे तो नगण्य या निविष्ठा केंद्राच्या उभारणीसाठी मोठा आर्थिक खर्च, सातत्यपूर्ण मेहनत आणि दीर्घकालीन दृष्टीकोन आवश्यक आहे. “आज शेतीत वाचवलेला पैसा उद्या दवाखान्यात खर्च होतो. त्यामुळे आरोग्यासाठी केलेला कोणताही खर्च हा खर्च नसून गुंतवणूक आहे.”

ही भूमिका आजच्या बदलत्या जीवनशैलीत अत्यंत महत्त्वाची ठरते. कारण आज रोगमुक्त जीवन हीच खरी संपत्ती आहे. हजारो शेतकऱ्यांसाठी जैविक औषधींचा विश्वासार्ह स्रोत

या निविष्ठा केंद्रामुळे केवळ एक शेतकरी नव्हे, तर हजारो शेतकऱ्यांना दर्जेदार, स्वस्त आणि खात्रीशीर जैविक औषधी उपलब्ध होणार आहेत. यामुळे रासायनिक औषधांवरील अवलंबन उत्पादन खर्चात घट होईल,

जमिनीची सुपीकता दीर्घकाळ टिकेल, आणि ग्राहकांपर्यंत निरोगी अन्न पोहोचेल. प्रत्येक शेतकऱ्याने उचलण्याची गरज असलेली जबाबदारी माधव चिंतले टाकळीकर यांचे स्पष्ट आवाहन. 

“प्रत्येक शेतकऱ्याने आपल्या शेताच्या बांधावर अशा प्रकारचे उपक्रम उभारले पाहिजेत. हे केवळ आपल्या कुटुंबासाठी नव्हे, तर गाव, जिल्हा आणि देशाच्या हितासाठी आवश्यक आहे.”

जर प्रत्येक गावात अशा निविष्ठा केंद्रांची उभारणी झाली, तर भारत रासायनिक शेतीतून मुक्त होऊन खऱ्या अर्थाने जैविक व निरोगी राष्ट्र बनू शकतो.

निरोगी अन्नधान्य म्हणजे फक्त शेतीचा प्रश्न नाही, तर तो मानवी आरोग्य, पर्यावरण आणि भविष्यातील पिढ्यांचा प्रश्न आहे. शेतकरी यांचा हा उपक्रम शेतीला नवी दिशा देणारा, समाजाला जागृत करणारा आणि राष्ट्रासाठी प्रेरणादायी आहे. 

माती जिवंत राहिली तरच माणूस निरोगी राहील — आणि हाच या निविष्ठा केंद्राचा खरा संदेश आहे. अधिराज स्वराज स्वाभिमान कंपनीच्या बाधांवरील प्रयोग शाळेचे उदघाटनासाठी कृषी विभाग आत्मा महाराष्ट्र प्रकल्प संचालिका अर्चना गुजकर मॅडम, डाॅ निलकुमार येतोडे जिल्हापरिषद कृषी अधिकारी,

कृषी विज्ञान केंद्र सगरोळी येथुन डाॅ. कपिल ईंगळे, प्रविन चव्हान, संतोष चव्हान, अरुन पवार, प्रगतशिल शेतकरी रत्नाकर पा.ढगे, पवनकुमार पिंपळपल्ले, माझी पंचायत समिती सदस्या प्रतिभा ओम पाटील धानोरकर, श्याम मजगे, विठ्ठल पा.गवळी, नागेश मेटकर, परमेश्वर पा.कांडाळर, गजानन पा. कांडाळकर, बालाजी सिगने, प्रभाकर पवार, आनंदा पा.जाधव, व्यंकटराव पा.मेहत्रे मुगावकर, प्रकाश डोणगावे मुगावकर, देविदास डोनगावे, श्रिहरी लाडेकर. प्रमोद मुडकर मरवाळी, टाकळी, कांडाळा, मुगाव येेथील शेतकरी उपस्थित होते.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)