📖📖 देगलूर महाविद्यालयात तक्रार निवारण समितीच्या वतीने विद्यार्थींना मार्गदर्शन 📖📖

“देगलूर महाविद्यालय देगलूर मध्ये तक्रार निवारण समितीच्या वतीने विद्यार्थ्यांना मार्गदर्शन.”

देगलूर :

आजच्या या सामाजिक माध्यमाच्या युगात समाज आणि विद्यार्थी वेगवेगळ्या दिशेला जात आहे. त्यामुळे तक्रार निवारण समितीच्या माध्यमातून विद्यार्थ्यांसाठी मार्गदर्शन करण्यात आले. हे मार्गदर्शन करण्यासाठी पोलीस कर्मचारी संजय पेंडपल्ले महाविद्यालय मध्ये आले होते. या मार्गदर्शनामध्ये त्यांनी विद्यार्थ्यांमध्ये आज जे काही सायबर गुन्हे घडत आहेत. या संबंधी सखोल मार्गदर्शन करण्यात आले. आज घडीला बरेचसे विद्यार्थी हे सामाजिक माध्यमाच्या आहारी जाऊन आपले करिअर संपवून टाकत आहेत. त्यामध्ये मग रमी सारखा गेम असो किंवा गुन्हेगारी क्षेत्र असो आणि फेसबुक, युट्युब, व्हाट्सअप आणि इंस्टाग्राम यासारख्या वेगवेगळ्या माध्यमातून फसवणुकीच्या सारख्या जाहिरातीच्या माध्यमातून अनेक विद्यार्थी आत्महत्याग्रस्त परिस्थितीला कारणीभूत ठरत आहेत. व अनेकदा आर्थिक भुर्दंडाला सामोरे जावे आहेत. तसेच लैंगिक अत्याचाराचेही बळी पडलेले आहेत यासंबंधीचे सखोल असे मार्गदर्शन विद्यार्थ्यांना केले. या मार्गदर्शन कार्यक्रमाचे अध्यक्ष म्हणून उपप्राचार्य प्रा. उत्तमकुमार कांबळे होते तसेच अध्यक्षीय भाषणामध्ये सर्व विद्यार्थ्यांना आपल्या विचाराने प्रेरित करत आजचा युवक हा देशासाठी, समाजासाठी, शिक्षणासाठी, आपल्या परिवारासाठी आणि आपल्या गुरुजणांसाठी ध्येयाने प्रेरित झाला पाहिजे. तसेच सोशल मीडिया पासून दूरच राहून, सोशल मीडियाचा त्यांनी फक्त आपल्या करिअर साठीच उपयोग केला पाहिजे ती काळाची गरज आहे. असे योग्य विचार त्यांनी आपल्या भाषणातून विद्यार्थ्यांना दिले. या कार्यक्रमासाठी पर्यवेक्षक संग्राम पाटील, डॉ. धनराज लझडे प्रा. नागरगोजे, प्रा. सूर्यवंशी, प्रा. हाके व इतर शिक्षक यांची उपस्थिती होती.