🔴 मा. सभापती श्रावण भिलवंडे यांचा वाढदिवस उत्साहात साजरा.

🔴 माजी सभापती श्रावण भिलवंडे यांचा वाढदिवस सोहळा उत्साहात साजरा — हजारो शुभेच्छुकांची उपस्थिती. 

शिवगर्जना न्यूज, 

प्रतिनिधी /बाळासाहेब पांडे 

नायगाव पंचायत समितीचे माजी सभापती श्रावण पाटील भिलवंडे यांचा वाढदिवस आणि अभीष्टचिंतन सोहळा शनिवार, १९ जुलै रोजी नरसी येथील नंदनंदन निवासस्थानी मोठ्या उत्साहात पार पडला. नरसी सह पंचक्रोशीतील हजारो नागरिक, कार्यकर्ते, पदाधिकारी व शुभचिंतकांनी या सोहळ्याला उपस्थित राहून शुभेच्छांचा वर्षाव केला.

या प्रसंगी सामाजिक, राजकीय, सांस्कृतिक व विविध क्षेत्रांतील मान्यवरांनी उपस्थिती लावून श्रावण भिलवंडे यांच्या कार्याची प्रशंसा केली. विविध पक्षांचे नेते, कार्यकर्ते, आणि भाजप महायुतीच्या प्रमुखांची उपस्थिती सोहळ्याचे आकर्षण ठरले.

कुटुंबीयांनी औक्षण करून त्यांच्या दीर्घायुष्यासाठी सदिच्छा व्यक्त केल्या. यावेळी आयोजित स्नेहभोजनात हजारो नागरिकांनी सहभाग घेऊन उत्सवाचा आनंद घेतला.

आपल्या भावना व्यक्त करताना माजी सभापती श्रावण भिलवंडे म्हणाले, “आजवर जनतेच्या पाठिंब्यामुळेच सामाजिक व राजकीय वाटचाल शक्य झाली. पुढे ही हे सामाजिक दायित्व जबाबदारीने पार पाडण्याचा संकल्प यानिमित्ताने करतो. पक्ष नेतृत्वाच्या मार्गदर्शनाखाली जनहिताचे कार्य सुरूच राहील.”

या विशेष प्रसंगी राज्याचे मुख्यमंत्री देवेंद्र फडणवीस, माजी मुख्यमंत्री व खासदार अशोकराव चव्हाण, भाजप प्रदेशाध्यक्ष रवींद्र चव्हाण, संघटनमंत्री संजय कौडगे, महानगराध्यक्ष व माजी आमदार अमरनाथ राजूरकर यांच्यासह अनेक मान्यवरांनी दूरध्वनीद्वारे शुभेच्छा देत त्यांचे अभिनंदन केले.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)