🛑 एक ऑगस्टला गावकऱ्यांचा सामूहिक आत्मदहनाचा इशारा.

🔴 पळसगाव प्रकरणात प्रशासन गप्प: ग्रामस्थांचा आत्मदहनाचा निर्धार. 

🎯 १ ऑगस्टला सामूहिक आत्मदहनाचा गावकऱ्यांचा इशारा. 

शिवगर्जना न्यूज, 

नांदेड प्रतिनिधी निळकंठ जाधव

नांदेड जिल्ह्यातील नायगाव तालुक्यातील गट ग्रामपंचायत पळसगाव/टाकळगाव ता. नायगाव येथे ग्रामपंचायतचा अतिशय अंदाधुंद कारभार असून अनेक कामांमध्ये कागदोपत्री बिले दाखवून बिले उचलून घेऊन भ्रष्टाचार केला. या विरोधात गावातील नागरिकांनी अनेक वेळा गटविकास अधिकारी पंचायत समिती, जिल्हा परिषद व जिल्हाधिकारी यांना पत्रव्यवहार केला, परंतु प्रशासनाने कुठलीच ठोस पावले न उचलता भ्रष्टाचार करणाऱ्यांना पाठीशी घालत आहेत. त्यामुळे गावकऱ्यांनी येत्या १ऑगस्ट रोजी जिल्हाधिकारी कार्यालया समोर सामूहिक आत्मदहन करण्याचा निर्णय घेतला असून त्या संबंधीचे निवेदन जिल्हाधिकारी यांना दिले आहे.

गट ग्रामपंचायत पळसगाव /टाकळगाव येथील सरपंच व ग्रामसेवक यांनी १५व्या वित्त आयोगाचा निधी पूर्णपणे कामे न करता फस्त केला आहे. शालेय

शिक्षण समितीमध्ये मैदानासाठी ७ लाख ५० हजार रूपये काम न करता उचलले आहेत व अनेक बिले पूर्वीचेच कामे दाखवून उचलले आहेत. रोजगार हमी योजनेअंतर्गत पेव्हब्लॉक, सीसी रस्ते व अंतर्गत नाल्यांचे काम गावात केलेले नसताना बिले उचलली आहेत. दलित वस्तीची कामे मागील सरपंचांच्या काळात झालेले तेच काम दाखवून बिले उचलली आहेत. जलजीवन मिशन अंतर्गत पेयजलासाठी आलेले १ कोटी ३० लक्ष रूपयांमध्ये मोठा भ्रष्टाचार झाला. 

५० टक्के सुद्धा कामे झालेली नाहीत. गावातील महिलांना घडाभर पाण्यासाठी वनवन फिरावे लागत आहे. एवढा मोठा अनागोंदी कारभार असताना नायगाव पंचायत समितीचे गटविकास अधिकारी व इतर अधिकारी त्यांना पाठीशी घालून गावकऱ्यांच्या मागणीला दाद देत नसल्यामुळे गावकऱ्यांनी आता आक्रमक पवित्रा घेतला असून 1 ऑगस्ट रोजी जिल्हाधिकारी कार्यालया समोर सामूहिक आत्मदहन करणार असल्याचे निवेदनात म्हटले आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)