🛑जि.प.बांधकाम विभाग कारभारास शिवसेनेच्या वतीने २४ जुलै रोजी आंदोलन

🔴 देगलूर जि.प.बांधकाम विभागाच्या कारभाराला वठणीवर आणण्यासाठी शिवसेनेच्या वतीने २४ जुलै रोजी आंदोलन. 

शिवगर्जना न्यूज, 

देगलूर प्रतिनिधी  9923072242

नांदेड जिल्ह्यातील देगलूर जिल्हा परिषद बांधकाम विभाग देगलूरच्या कार्यालयासाठी एक कार्यकारी अभियंता आणि १८ अधिकारी व कर्मचाऱ्यांची नेमणूक करण्यात आली असली तरी हा येथील कार्यालयात केवळ दोन ते तीन कर्मचारी उपस्थित राहतात. जि.प. बांधकाम विभागाच्या अशा भोंगळ कारभाराला योग्य दिशा मिळावी यासाठी शिवसेना ठाकरे गटाच्या वतीने २४ जुलै रोजी निदर्शने व ताळाठोक आंदोलन करण्यात येणार आहे.

तत्कालीन सार्वजनिक बांधकाम मंत्री अशोकराव चव्हाण यांच्या कार्यकाळात जिल्हा परिषद बांधकाम विभागाचे विभाजन करून नांदेड, देगलूर, भोकर हे तीन विभाग तयार करण्यात आले. त्यानुसार देगलूरच्या जिल्हा परिषद बांधकाम विभागात काम करण्यासाठी एक कार्यकारी अभियंता व १८ अधिकारी आणि कर्मचारी नियुक्त करण्यात आले. सध्या देगलूर कार्यालयासाठी कार्यकारी अभियंता विजय कांबळे, प्रशासन अधिकारी तोरकड, शाखा अभियंता व्हि.डी.चव्हाण, बी.एल.ग्रंथमवार, कनिष्ठ अभियंता आर.बी.कोकरे, वरिष्ठ लेखा अधिकारी बी.के.महाजन, वरिष्ठ सहाय्यक ए.एस.खिल्लारे, एस.एस.सिंपाळे, एच.जी.राजे, सु.मा.शिंगेवाड, कोकरे, कनिष्ठ सहाय्यक ए.एम.गरुडकर, ए.व्ही. नरंगलकर, जी.एन.गुंडेवार, गायकवाड, एन.डी.देशमुख, एस.जी.चौदंते, एम.एन.रत्नपारखे, परिचर ए.वि.लोमटे असे एकूण १८ अधिकारी व कर्मचारी नियुक्त करण्यात आले आहेत, परंतु सध्या देगलूरच्या कार्यालयात दोन-तीन अधिकारी व एक-दोन कर्मचारी सोडले तर उर्वरित कोणीही हजर राहत नाहीत. ते सगळेच नांदेडला राहून नांदेड कार्यालयात बसून नोकरी करतात. या सर्वांचे उपस्थितीपट देखील नांदेडलाच आहे. त्यामुळे जिल्हा परिषद बांधकाम विभाग देगलूर अंतर्गत येणाऱ्या देगलूर, मुखेड, नायगाव, बिलोली, धर्माबाद या पाच तालुक्यातील तीनशे ते साडेतीनशे गावातील जनतेची हेळसांड होत आहे. येत्या २२ जुलैपर्यंत देगलूर कार्यालयासाठी नियुक्त असलेल्या अधिकारी आणि कर्मचारी यांनी शंभर टक्के उपस्थिती न लावल्यास दि.२४ जुलै रोजी दुपारी १२ वाजता या कार्यालयाच्या व प्रशासनाच्या निषेधार्थ आंदोलन करून कार्यालयास टाळे ठोकण्यात येईल. असा इशारा शिवसेना ठाकरे गटाच्या वतीने देण्यात आला आहे. हे आंदोलन उपजिल्हाप्रमुख महेश पाटील यांच्या नेतृत्वाखाली बालाजी इंगळे पाटील, पांडुरंग पाटील थडके, नागनाथ वाडेकर, संजय जोशी, रवी उल्लेवार, भगवान जाधव पाटील, भागवत पाटील, मष्णाजी पैयलावार, राहुल सोनकांबळे, राजेंद्र इंगळे, विनोद सोनकांबळे, युसूफ भाई मिस्त्री, सय्यद मीरभाई, संतोष कांबळे, गंगाधर पाटील चाकूरकर, देविदास थडके हे सर्व पदाधिकारी करणार आहेत. या निवेदनाच्या प्रती जिल्हाधिकारी नांदेड, उपविभागीय अधिकारी देगलूर, कार्यकारी अभियंता देगलूर यांना प्रत्यक्ष देऊन या निवेदनाच्या प्रती वरिष्ठांना देखील पाठविण्यात आल्या आहेत.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)