🛑 कामगार दिनानिमित्त सन्मान सोहळा; नगराध्यक्षा सौ.प्रेरणाताई कोटलावार यांची स्तुत्य कामगिरी.

1

By Shahaji Warkhinde

May 3, 2026

🛑 कामगार दिनानिमित्त सन्मान सोहळा; नगराध्यक्षा सौ.प्रेरणाताई कोटलावार यांची स्तुत्य कामगिरी

शिवगर्जना न्यूज,

कुंडलवाडी (सिध्दार्थ कांबळे)

कुंडलवाडी : कुंडलवाडी शहरात प्रथमच कामगार दिन आणि महाराष्ट्र दिन उत्साहपूर्ण वातावरणात साजरा करण्यात आला. कर्तव्यदक्ष नगराध्यक्षा सौ. प्रेरणाताई गजानन कोटलावार यांच्या पुढाकारातून आयोजित या कार्यक्रमात शहरातील कामगार व शेतकरी वर्गाचा सत्कार करून त्यांच्या योगदानाचा गौरव करण्यात आला.

या उपक्रमामुळे कष्टकरी वर्गाला विशेष मान्यता मिळाली असून नागरिकांकडून या अभिनव संकल्पनेचे मोठ्या प्रमाणात स्वागत होत आहे. “कामगार आणि शेतकरी हेच समाजाचे खरे आधारस्तंभ आहेत,” असा प्रेरणादायी संदेश या कार्यक्रमातून देण्यात आला.

यावेळी पोलीस सहाय्यक निरीक्षक ज्ञानेश्वर शिंदे, नगराध्यक्षा प्रतिनिधी गजानन कोटलावार, उपनगराध्यक्षा प्रतिनिधी शैलेश ऱ्याकावार, नगरसेवक राजेश्वर उत्तरवार, प्रकाश पाटील अर्जुने, डॉ. प्रशांत सब्बनवार, रमेश इरलावार, संजय गोनेलवार, साईनाथ भातनाते, संजय भास्कर, सचिन कोटलावार, गंगाधर कोटलावार, नगरसेविका सौ.नेहा गट्टूवार, नगरसेविका प्रतिनिधी भीम पोतनकर, संजय खुळगे, राहुल सब्बनवार, अमरनाथ कांबळे, नरसिंमलू कोटलावार, तसेच डॉ.हनमंतराव लखमपुरे, डॉ.नरेश बोधनकर, नगरपालिका कर्मचारी व नागरिक पत्रकार बांधव मोठ्या संख्येने उपस्थित होते.

या आगळ्या वेगळ्या उपक्रमामुळे कुंडलवाडी शहरात सामाजिक ऐक्य अधिक दृढ झाले असून कष्टकरी वर्गाबद्दल आदराची भावना बळकट झाली आहे. नगराध्यक्षा प्रेरणाताई कोटलावार यांच्या कार्याची सर्वत्र प्रशंसा होत आहे.

🔴मुख्य संपादक: श्री शहाजी वरखिंडे 9923072242

Previous article

🛑 नायगाव तालुक्यात दिवस-रात्र मातीचा व मुरमाचा कहर; महसूल प्रशासन कोमात मुरूम वाले जोमात.

Shahaji Warkhinde

ताज्या बातम्या

ताज्या बातम्या