🛑 स्वस्त धान्य दूकानदारा चा अजब कारभार तहसिलदारांकडे निवेदन.

🔴 धान्य कमी, दहशत जास्तच पळसगाव तक्रारीने तहसिलदारांकडे खळबळ.

ग्रामस्थांची मागणी ‘आमच्याच गावातून करा स्वस्त धान्य पुरवठा’

शिवगर्जना न्यूज, 

मराठवाडा प्रतिनिधी निळकंठ जाधव

नांदेड जिल्ह्यातील नायगाव तालुक्यातील गेल्या १० वर्षांपासून पळसगाव गावाचा स्वस्त धान्य पुरवठा गावा बाहेरील तलबीड गावातील दुकानदाराकडून होत आहे. मात्र त्या दुकानदाराने गावात धान्य वाटप करण्यासाठी स्वतः कधीच हजेरी लावली नसल्याचा आरोप ग्रामस्थांनी केला आहे. उलट गावातील एका अडाणटप्पू व्यक्तीच्या माध्यमातून धान्य वाटप केले जाते आणि त्यात अनेक अनियमितता होत असल्याचे गावकऱ्यांनी आपल्या निवेदनात म्हटले आहे.

या व्यक्तीकडून गरीब लोकांना त्यांच्या हक्काचे धान्य पूर्णपणे दिले जात नाही, तसेच पावत्याही दाखवल्या जात नाहीत. त्यावर कोणी आक्षेप घेतल्यास त्यांना मारहाण करण्याची, तसेच जिवे मारण्याची धमकी दिली जाते, असा गंभीर आरोप निवेदनात करण्यात आला आहे.

या संदर्भात पळसगाव येथील बळवंत आनंदराव शिंदे, अविनाश बालाजी शिंदे, गोविंद माधवराव उपासे, संतोष बालाजी शिंदे आदींनी दिनांक १४ जुलै २०२५ रोजी तहसिलदार नायगाव (खै.) यांना निवेदन दिले.

या निवेदनात गावातीलच गोपीनाथ श्यामराव शिंदे यांच्या च मुळ स्वस्त धान्य दुकानाच्या माध्यमातून गावातील सर्व कार्डधारकांना धान्य पुरवठा करण्याची मागणी करण्यात आली आहे.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)