🛑 माता रत्नेश्वरीला साकडे घालण्यासाठी रविवारी पाऊस दिंडीचे आयोजन.

56

By Shahaji Warkhinde

June 27, 2025

🔴 माता रत्नेश्वरीला साकडे घालण्यासाठी रविवारी पाऊस दिंडीचे आयोजन – ॲड. दिलीप ठाकूर.

शिवगर्जना न्यूज,

मराठवाडा प्रतिनिधी निळकंठ जाधव

नांदेड : मराठवाड्यात दुबार पेरणीचे संकट आल्यामुळे बळीराजा त्रस्त असून माता रत्नेश्वरीला साकडे घालण्यासाठी रविवार दि.२९ जुन रोजी सकाळी ६ वाजता भाजप, अमरनाथ यात्री संघ, लायन्स तर्फे २५ व्या रत्नेश्वरी पाऊस दिंडीचे आयोजन करण्यात आले आहे. यावेळी जर पाऊस पडत असेल तरी देखील रत्नेश्वरी गडावर अमरनाथ यात्रेकरू हजारो बिया, कोयी तसेच सिडबॉल पेरणार असल्याची माहिती संयोजक धर्मभूषण ॲड. दिलीप ठाकूर यांनी दिली आहे.बालाजी मंदिर हनुमान टेकडी नांदेड येथून सुरू होणाऱ्या या पाऊस दिंडीचे यंदाचे पंचविसावे वर्षे आहे. पंचविसावी अमरनाथ यात्रा ४ जुलै ला व सविसावी अमरनाथ यात्रा ११ जुलै दिलीप ठाकूर यांच्या नेतृत्वाखाली नांदेडहून रवाना होणार आहे. अवघड असलेली अमरनाथ यात्रा सुलभ व्हावी या दृष्टीने ३ महिन्यापासून पायी चालण्याचा व प्राणायामचा सराव दिलीप ठाकूर हे दरवर्षी घेतात. यात्रेकरूंची तयारी कितपत झाली याची चाचपणी या पाऊस दिंडी मध्ये करण्यात येते. संपूर्ण भारतात अशा प्रकारे अमरनाथ यात्रेकरूंची पूर्वतयारी फक्त नांदेड मध्येच घेण्यात येते. रस्त्यामध्ये जागो जागी भाजपा जिल्हाध्यक्ष डॉ. संतुकराव हंबर्डे, पवन गुरुखुदे, कैलास महाराज वैष्णव, गणेश झोळगे, सचिन माधवराव झरीकर, विश्वेश्वर महादेव मंदिर नवीन सिडको यांच्या तर्फे चहा-फराळाची व्यवस्था करण्यात येणार आहे. रत्नेश्वरी देवस्थान व अन्नपुर्णा माता देवस्थान तर्फे अमरनाथ यात्रेकरूंचा सत्कार करण्यात येणार आहे. या दोन्ही मातांना पावसासाठी साकडे घालण्यात येणार आहे. त्यानंतर सर्वजण वृक्ष संवर्धनाची प्रतिज्ञा घेणार आहेत. अन्नपूर्णा मातेच्या सभागृहात अमरनाथ यात्रेकरूंचे गेट टुगेदर होणार आहे.

महाआरती नंतर दरवर्षी प्रमाणे दानशूर व्यापारी जितेंद्र भयानी यांच्यातर्फे महाप्रसादाचे आयोजन करण्यात आले आहे. दरवर्षी प्रमाणे गडावर वेगवेगळ्या बिया तसेच सिडबॉल पेरण्यात येणार आहे. पाऊस दिंडी मध्ये यात्रेकरू सोबत सहभागी होऊ इच्छिणाऱ्या नागरिकांनी आपल्या घरी जमा असलेल्या बिया, कोयी सोबत घेऊन यावे असे आवाहन अमरनाथ यात्री संघाचे अध्यक्ष ॲड. दिलीप ठाकूर यांनी केले आहे.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)

Previous article

🔴 नांदेड खासदार रवींद्र पाटील चव्हाण यांनी मनोज जरांगे पाटील यांची घेतली भेट.

Next article

🛑 गोदमगाव येथे छत्रपती राजश्री शाहू महाराज यांची जयंती मोठ्या थाटात साजरी.

Shahaji Warkhinde

ताज्या बातम्या

ताज्या बातम्या