🛑 ‘विश्व बंधुत्व’चा संदेश; ब्रह्माकुमारी ईश्वरीय विश्व विद्यालयात रक्तदान महाअभियान उत्साहात संपन्न

🛑 ‘विश्व बंधुत्व’चा संदेश; ब्रह्माकुमारी ईश्वरीय विश्व विद्यालयात रक्तदान महाअभियान उत्साहात संपन्न.

शिवगर्जना न्यूज

देगलूर प्रतिनिधी

देगलूर : समाज सेवा देगलूर ब्रह्माकुमारीज यांच्या वतीने राजयोगिनी प्रकाशमणी दादीजी यांच्या १९व्या पुण्यतिथी निमित्त “विश्व बंधुत्व रक्तदान महाअभियान” आयोजन दि. २५ ऑगस्ट २०२६ रोजी सकाळी १० वाजता ब्रह्माकुमारी ईश्वरीय विश्व विद्यालय, देगलूर, जि. नांदेड येथील सेवा केंद्रात उत्साहात करण्यात आले.

कार्यक्रमाच्या मंचावर देगलूर ब्रह्माकुमारी सेवा केंद्राच्या संचालिका बी.के. मेनका बहनजी, बी.के. विद्या बहनजी, एस.बी.आय. चे व्यवस्थापक अनंत घाबडे, नगरसेवक प्रतिनिधी बसवराज द्याडे, दिगंबर कौरवार, चंद्रकांत मोरे व कैलासभाऊ येसगे यांच्यासह अनेक मान्यवर उपस्थित होते.

उपस्थित मान्यवरांचे ईश्वरीय तिलक व सौगात देऊन स्वागत करण्यात आले. राजयोगिनी प्रकाशमणी दादीजी यांच्या १९व्या पुण्यतिथी निमित्त त्यांना भावपूर्ण श्रद्धांजली अर्पण करण्यात आली. कार्यक्रमाचे सूत्रसंचालन बी.के. विद्या बहनजी यांनी केले.

“रक्तदान हेच जीवनदान आहे” हा संदेश प्रत्यक्षात साकारत मोठ्या संख्येने नागरिकांनी रक्तदान करून महाअभियानात सहभाग नोंदविला. गरजू रुग्णांचे जीवन वाचविण्यासाठी अधिकाधिक नागरिकांनी रक्तदान करावे, असे आवाहन बी.के. मेनका बहनजी यांच्यासह उपस्थित मान्यवरांनी आपल्या मार्गदर्शनातून केले.

यावेळी डॉ. सुनील जाधव, रामचंद्र दोन्तुलवाड, एस.एन. बिरादार, रमेश कळसकर मधुकर पोलशेटवार, अनिल चालीकवार, गजेंद्र, शिवा, देविदास, शंकर ठोंबरे तसेच ब्रह्माकुमारी सेवा केंद्राचे बंधू-भगिनी मोठ्या संख्येने उपस्थित होते.

डॉ. शंकरराव चव्हाण शासकीय वैद्यकीय महाविद्यालय व रुग्णालय, विष्णुपुरी, नांदेड येथील रक्तपेढीच्या पथकाने रक्तसंकलनाची सेवा दिली. सकाळी १० ते सायंकाळी ५ वाजेपर्यंत एकूण ४० बंधू-भगिनी व नागरिकांनी रक्तदान करून या महाअभियानात उत्स्फूर्त सहभाग नोंदविला.

या महाअभियानाच्या माध्यमातून मानवतेची सेवा, विश्व बंधुत्व आणि “रक्तदान हेच जीवनदान आहे” हा प्रेरणादायी संदेश समाजापर्यंत पोहोचविण्यात आला.

🔴मुख्य संपादक: श्री शहाजी वरखिंडे

मो. 9923072242