🛑 लसाकम देगलूर चा स्तुत्य उपक्रम; अण्णा भाऊ साठे जयंती निमित्त व्याख्यानासह गुणवंत विद्यार्थ्यांचा गौरव.

🛑 लसाकम देगलूरचा स्तुत्य उपक्रम; अण्णा भाऊ साठे जयंती निमित्त व्याख्यानासह गुणवंत विद्यार्थ्यांचा गौरव.

शिवगर्जना न्यूज

देगलूर प्रतिनिधी

क्रांतीवीर लहुजी साळवे कर्मचारी कल्याण महासंघ तालुका शाखा देगलूर वतीने साहित्यरत्न डॉ. अण्णा भाऊ साठे यांच्या १०६ व्या जयंती निमित्त जाहीर व्याख्यान व गुणवंत विद्यार्थी सत्कार कार्यक्रम येथील गोरंट्याल मंगलकार्यालयात संपन्न झाला आहे. या कार्यक्रमाचे अध्यक्ष आमदार जितेश रावसाहेब अंतापुरकर प्रमुख पाहुणे म्हणून श्री हणमंत शिंदे साहेब ( PSI देगलूर ), मा. डॉ. रमेश गवाले साहेब , मा. बबलू अण्णा टेकाळे, संजय जोशी, मा. चंद्रकांत मेकाले, मा. विजय रणखांब, मा. पांडुरंग सूर्यवंशी, मा. आनंद गुंडले, डॉ. गणपत वाडेकर, श्रीमती स्वाती वाकोडे मॅडम, प्रमुख वक्ते म्हणून प्रा. डॉ. राजकुमार मस्के (प्राचार्य उदयगिरी महाविद्यालय उदगीर) उपस्थित होते.

देगलूर तालुक्यातील मातंग समाजातील विविध परीक्षेत गुणवंत ठरलेल्या विद्यार्थ्यांचे शाल, पुष्पहार, प्रमाणपत्र व स्मृतिचिन्ह देऊन गौरव करण्यात आले. तसेच मेडिकल, इंजिनियरिंग, नोकरीसाठी निवड झालेले नूतन कर्मचारी व विद्यार्थ्यांचा गौरव करण्यात आला.

डॉ.अण्णा भाऊ साठे यांच्या विचारासोबतच विद्यार्थी कसा त्यागी व हुशार झाला पाहिजे. तो आगामी काळात टिकला पाहिजे. जिद्द, चिकाटी व मेहनत यांच्या जोरावर पुढे कसे जावे. त्यातून आपल्या आयुष्यात नंदनवन कसे घडवावे त्याबाबत विचार प्रमुख वक्ते डॉ. प्रा. राजकुमार मस्के यांनी मांडले. त्या पूर्वी साहित्यीक तथा सचिव शंकर कुद्रे प्रास्ताविकपर विचार मांडले. कर्मचारी व कार्यकर्ते एकीने काम केले तर समाजाची उन्नती जास्त वेगाने होईल असे मत मांडले.संघटन ही काळाची गरज आहे.

देगलूर बिलोली विधानसभा मतदार संघाचे लोकप्रिय आमदार, समाजाचे श्रद्धास्थान जितेशभाऊ अंतापूरकर साहेब यांनी आपल्या मनोगतात असे म्हणाले की, मातंग समाजाच्या विकास व उन्नतीसाठी मी आमदार व समाजाचा घटक म्हणून कटीबद्द आहे. त्यासाठी विधानसभा सभागृहात सुद्धा मी आवाज उठवेन. माझ्या वडिलांनी समाजासाठी काय केले व मी काय करतो त्याबद्दल सविस्तर विचार मांडले.

यावेळी डॉ. रमेश गवाले, श्री. हणमंत शिंदे (PSI), डॉ. गणपत वाडेकर, श्रीमती स्वाती वाकोडे मॅडम, राज्य प्रवक्ते चंद्रकांत मेकाले, जिल्हा अध्यक्ष श्री. विजय रणखांब हे आपले मनोगत व्यक्त केले. विदयार्थ्यांनी आपला सर्वांगीण विकास साधण्यासाठी शिस्त, सेवा व त्याग याचा स्वीकार करावा, व्यसनापासून दूर रहावे. वाचन वाढवावे. मोबाइलला दूर ठेवावे. असे मार्मिक विचार भाषणातून मांडले.

कार्यक्रमाचे सूत्र संचालन संजीव हळदे तर आभार अशोक घाटे यांनी केले आहे. हा कार्यक्रम यशस्वीतेसाठी मारोती गायकवाड इटग्याळकर, रघुनाथ भोईवार, शिवशंकर बोडके, दमन देगावकर, पंढरीनाथ गायकवाड दरेगावकर, ऍड.सिद्धेश्वर वाघमारे, आनंद हळदे, अनिल केसराळीकर, अशोक घाटे, विजय बोडके, दत्ता जाधव संपूर्ण लसाकम तालुका शाखा देगलूर यांनी प्रयत्न केले.

🔴मुख्य संपादक: श्री शहाजी वरखिंडे

मो. 9923072242