🛑 आदमपूर येथे घराला आग लागून लाखोचे नुकसान.

🔴 आदमपूर येथे घराला आग लागून लाखोंचे नुकसान. 

शिवगर्जना न्यूज, 

बिलोली विलास शेरे 

बिलोली तालुक्यातील आदमपूर येथे २१ च्या रात्री दीड ते दोनच्या सुमारास विद्युत तारेच्या घर्षणामुळे घरास आग लागून लाखोंचे नुकसान झाले.

आदमपूर येथील एका गरीब शेतकरी माधव गोविंद देवारे यांचे घर गावात विद्युत पुरवठा करणाऱ्या जीवंत तारे लगत आहे. २१ रोजी रात्री दीड ते दोनच्या सुमारास तारेेच्या घर्षणामुळे त्यांच्या घरास आग लागून एक लाख २३ हजार व चार तोळे दागिने व माधव यांचे भाऊ नागनाथ गोविंद देवारे व मेघा नागनाथ देवारे यांचे मागील वर्षी लग्नात आलेले नवीन कपडे अंदाजे साठ हजार रुपये, ६५ हजार रुपयांचा लॅपटॉप, २०००० पर्यंत सोपासेट, वीस हजार रुपयांचा मोबाईल व पाच हजार रुपयांचा कुलर इतर संसार उपयोगी साहित्य जळून खाक झाले. हे सकाळी समजताच आदमपूरचे सरपंच (प्र) दिलीप संपतराव भुसावळे हे बिलोली तहसीलदार श्री गजानन शिंदे यांना आपल्या फोन द्वारे कळविले. शिंदे नी तात्काळ मंडळ अधिकारी एल.एच. पंगे, आदमपूर तलाठी मिलींद सुपेकर यांना पाठवून पंचनामा करण्यात आला. व तसेच भारतीय जनता पार्टी चे तालुकाध्यक्ष मारुती राहीरे यांनी आपल्या फोन द्वारे देगलूर ग्रामीण महावितरण मुख्य अभियंता अमित त्रिवेदी यांना कळविले असता त्यांनी पण गोविंद देवारे यांच्या घरी येऊन पाहनी केली. यावेळी गावातील माजी सरपंच प्रभाकर पेंटे, माजी सरपंच अरविंद पेंटे यांनी नुकसान भरपाई देण्यात यावी अशी मागणी केली.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)