🛑नायगाव तहसील वहान चालकाच्या चौकशीची मागणी अन्यथा अमरणाचा ईशारा.

🔴 नायगाव तहसील ड्रायव्हर पुरी याच्या काळ्या कारनाम्याची चौकशी करून तात्काळ बदली करण्याची सोनाली हंबर्डे याची मागणी. 

♦️३० एप्रिल पर्यंत कार्यवाही नाही झाल्यास आमरण उपोषण… 

शिवगर्जना न्यूज, 

नायगाव : बाळासाहेब पांडे

नायगाव तहसीलचे चालक पुरी यांनी अवैध धंद्याला पाठबळ देऊन या माध्यमातून कमावलेल्या संपत्ती ची उच्च स्तरीय चौकशी करून कार्यवाही करणे व बदली पात्र असताना ही अनेक दिवसा पासून नायगाव तहसील मध्ये बस्तान मांडलेल्या तहसीलदार यांच्या गाडीचे चालक पुरी याची तात्काळ बदली करून त्याच्या काळ्या कार नाम्याची उच्च स्तरीय चौकशी करावी. ३० एप्रिल पर्यंत कार्यवाही करावी नाही तर येत्या ३० एप्रिल रोजी लोकशाही मार्गाने आंदोलन छेडण्याचा इशारा सामाजिक कार्यकर्त्या सोनाली ताई हंबर्डे यांनी जिल्हाधिकारी, उप जिल्हाधिकारी यांना ११ एप्रिल रोजी दिलेल्या निवेदनातून दिला आहे.

सविस्तर, नायगाव तहसीलचे गाडी चे चालक पुरी याने नायगाव तहसील कार्यालय अंतर्गत चालू असलेल्या अवैध धंदे वाळू, माती, मुरूम उत्खनन करणाऱ्यांना उघडपणे तहसीलदार यांच्या आशीर्वादाने मदत करण्याचे काम करीत आहे. पुरी याच्या काळया कार नाम्यास तहसीलदार डॉ धम्म प्रिया गायकवाड मॅडम यांचे पूर्ण पाठबळ आहे असा आरोप निवेदनातून करण्यात आला आहे.

दिनांक ८ एप्रिल रोजी रात्री आठ वाजता नायगाव शेळगाव रस्त्यावर विठ्ठल नगर येथे एका हायवा टिप्पर द्वारे वाळू आणण्यात आली. त्या वाळूला कोण्ही धरू नये म्हणून संरक्षण देण्याचे काम तहसील कर्मचारी असलेले चालक पुरी यांनी मोटार सायकल पुढे लावून करत होते. ही बाब सोनाली हंबर्डे यांना त्यांच्या घराकडे जात असताना उघडकीस आली. यावेळी सामाजिक कार्यकर्ती या नात्याने सोनाली हंबर्डे यांनी विचार पूस केली असता पुरी याने उर्मट भाषा वापरून वाळू टाकून त्याने तेथून पळ काढला.

तसेच तहसीलदार गायकवाड मॅडम याना तात्काळ सोनाली हंबर्डे यांनी फोन वरून सांगितली असता तहसीलदार यांनी उडवा उडवीची उत्तर देऊन पुरी याची पाठराखण केली. या विषयाची सबळ पुरावे हंबर्डे जवळ आहेत. असे त्यांनी निवेदनात म्हटले आहे. नंतर या पुरीने हंबर्डे यांच्या वर दबाव आणण्या साठी काही अवैध वाळू, मुरूम, माती माफिया, व या सर्वांना मदत करणारा एक पत्रकार यांना सांगून फोन लाऊन धमकावण्याचा प्रयत्न करण्यात आला. एक महिला असलेल्या व्यक्तिमत्वाला रात्री बेरात्री फोन करून पुरी याच्या हस्तकांनी केलेला दबावाचा प्रयत्न म्हणजे तहसीलदार मॅडम यांच्या पाठबळावर केलेला हा अरेरावीपणा होय.

निवेदनात हाबर्डे यांनी पुरी ड्रायव्हर याचे अनेक अवैध धंद्याला सहकार्य करण्याचे कारनामे मोबाईल च्या माध्यमातून शोधून उच्च स्तरीय चौकशी करावी, शिवाय त्यांनी अवैध धंद्यात भागीदारीने दुसऱ्याचा नावे घेतलेला हायव्हा टिपर, नायगाव शहरात अवैध मार्गाने कमावलेल्या प्रॉपर्टीची चौकशी करून, शिवाय अनेक दिवसा पासून तहसील नायगाव येथे मांडलेले बस्तान याची चौकशी करून तात्काळ बदली करावी या विषयी पंधरा दिवसात कार्यवाही करावी, अन्यथा नाही तर येत्या ३० एप्रिल रोजी नाईलाजाने लोकशाही मार्गाने आंदोलन छेडण्याचां मार्ग अवलंबीने भाग पडणार आहे.असा इशारा निवेदनातून दिला आहे. निवेदनाच्या प्रति महसूल मंत्री म.राज्य, महसूलआयुक्त म.राज्य मा. विभागीय आयुक्त संभाजीनगर, उप जिल्हाधिकारी बिलोली, मा. तहसीलदार नायगाव आ. राजेश पवार या सह अन्य राजकीय पुढाऱ्यांना दिल्या आहेत.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)