🛑 वेतनाच्या मागण्यांसाठी महापालिकांच्या कर्मचाऱ्यांचे ठिय्या आंदोलन.

🔴 वेतनाच्या मागण्यांसाठी महापालिकांच्या कर्मचाऱ्यांचे ठिय्या आंदोलन. 

शिवगर्जना न्यूज, 

नांदेड प्रतिनिधी

नांदेड:- विश्वरत्न डॉ. बाबासाहेब आंबेडकर यांच्या जयंती तत्पूर्वी वेतन देण्यात यावे. या मागणीसाठी महापालिका कर्मचाऱ्यांच्या वतीनें दि.११ एप्रिल रोजी अतिरिक्त आयुक्त गिरीश कदम यांच्या दालनासमोर घोषणा बाजी करीत ठिय्या आंदोलन करण्यात आले आहे.

रमजान ईद व डॉ. आंबेडकर यांच्या जयंती पूर्वी कर्मचाऱ्यांचे वेतन देण्यात यावे. अशी मागणी कर्मचाऱ्यांनी महापालिका आयुक्तांकडे केली होती.११ एप्रिल रोजी उजाडला तरी कर्मचाऱ्यांच्या खात्यावर वेतनाची रक्कम जमा झाली नाही. डॉ. बाबासाहेब आंबेडकर यांची जयंती १४ एप्रिल रोजी आहे. या अनुषंगाने जयंतीस दोन दिवस बाकी असून अजूनही वेतन न मिळाल्याने मनपा कर्मचाऱ्यांमध्ये नाराजी निर्माण झाली होती. तीन दिवस लागोपाठ सुट्या असल्याने तसेच प्रशासनाकडून वेतन देण्यासाठी कोणत्याही हालचाली नसल्याने महापालिकेचे अतिरिक्त आयुक्त गिरीश कदम यांच्या दालनासमोर अधिकारी व कर्मचारी एकत्र जमा झाले. त्यांनी घोषणाबाजी करीत तात्काळ वेतन देण्याची मागणी केली. तसेच गिरीष कदम यांच्या दालनात ठिय्या आंदोलन सुरु केले. अतिरिक्त आयुक्त गिरीष कदम यांनी आपण वरिष्ठांशी चर्चा करुन वेतन देण्या संदर्भात सकारात्मक निर्णय घेवू असे आश्वासन कर्मचाऱ्यांना दिले. परंतु कर्मचारी ऐकुन घेण्याच्या मनस्थितीत नव्हते. वेतन दिल्या शिवाय आम्ही उठणार नसल्याची भूमीका त्यांनी घेतली. महापालिकेचे लेखाधिकारी जनार्दन पक्वाने हे मात्र आज नॉट रिचेबल होते.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)