🛑 जिल्हा प्रशासन आपत्ती व्यवस्था प्राधिकरण जिल्हाधिकारी तथा जिल्हा मा. जिल्हाधिकारी राहुल कर्डिले— आदेश. 

शिवगर्जना न्यूज, 

नांदेड

ज्या अर्द.४ एप्रिल २०२५ रोजी मौ. आलेगांव ता. जि. नांदेड येथे एक ट्रॅक्टर ट्रॉली बिनकठड्याच्या विहीरीत पडल्याने त्या ट्रॅक्टर ट्रॉलीतबसून शेतमजुरीला जाणाऱ्या दहा पैकी सात शेतमजुर महिलांना जीव गमवावा लागलेला आहे. असे प्रकार या अगोदर सुध्दा घडलेले असुन जीवित जनावरांची हानी झालेली आहे. यापुढे ही बिनकठडयाच्या विहीरीत, जीवित जनावरे, अज्ञान बालके, वृध्द पडून मोठी दुघर्टना होण्याची शक्यता नांदेड जिल्ह्यात विशेषतः ग्रामीण भागात नाकारता येत नाही.

ज्या अर्थी, सदर घडलेल्या घटनेच्या अनुषंगाने नांदेड जिल्ह्यातील रहिवासी भागात असुरक्षित व ढासळू शकणाऱ्या विहीरी बाबत प्रतिबंधात्मक उपाय योजना करणे आवश्यक झाले आहे. ज्या मध्ये मुख्यतः रस्त्याच्या बाजुला असलेल्या विहीरी संदर्भात तात्काळ सुरक्षितता घेणे आवश्यक आहे.

ज्या अर्थी, नांदेड जिल्ह्यातील प्रत्येक विहीरीला सुरक्षित व मजबुत कठडे असणे आवश्यक आहे. सर्व साधारण पणे जमिन पातळीपासून किमान ३ ते ४ फुट उंचीचे व ९ इंच रुंदीचे विहीरीला सुरक्षित व मजबुत कठडे असले पाहीजेत.

त्या अर्थी, अशा प्रकारच्या घटना यापुढे घडू नयेत म्हणून मा. जिल्हाधिकारी राहुल कर्डिले, तथा अध्यक्ष जिल्हा आपत्ती व्यवस्थापन प्राधिकरण, आपत्ती व्यवस्थापन अधिनियम अधिकाराचा वापर करुन असे आदेशित करतो की, उपरोक्त उपाय योजना करणे संदर्भात सदर अधिसुचना प्रसिध्द झाल्या पासून एका महिन्याच्या आत नांदेड जिल्हयातील सर्व ग्रामीण व शहरी भागातील कठडे नसलेल्या, एक किंवा दोन फुट उंच कठडा असलेल्या सर्व संबंधीत विहीर मालकांनी विहीरीला सुरक्षा कठडे स्वतःहून करुन घ्यावेत. अन्यथा आपत्ती व्यवस्थापन अधिनियम २००५ कलम ५१-ब नुसार संबंधित विहीर मालक कायदेशीर कार्यवाहीस पात्र असेल.

तसेच यापुढे नांदेड जिल्हयातील शासकीय, निमशासकीय व खाजगी विहीरीचे बांधकाम करताना त्या विहीरीला जमिन पातळी पासून किमान ३ ते ४ फुट उंचीचे व ९ इंच रुंदीचे सुरक्षित व मजबुत कठडे बांधणे बंधनकारक राहील. याची नोंद संबंधीत यंत्रणा व नागरिकांनी घ्यावी. 

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)