🛑 मातंग समाजाच्या वतीने अ.ब.क.ड. उप वर्गीकरणाची मागणी – अरविंद गुमडे शहापूरकर

🔴 सकल मातंग समाजाच्या वतीने अ.ब.क.ड. उपवर्गीकरणाची मागणी — अरविंद गुमडे शहापूरकर. 

शिवगर्जना न्यूज, 

देगलूर प्रतिनिधी

अनुसूचित जाती उपवर्गीकरण आणि लहुजी साळवे आयोगाच्या शिफारशी त्वरित लागू करण्याची मागणी

देगलूर :- अनुसूचित जातीमध्ये उपवर्गीकरण तातडीने करण्यात यावे, तसेच क्रांतिवीर लहुजी साळवे मातंग अभ्यास आयोगाच्या शिफारशींची तात्काळ अंमलबजावणी व्हावी, या प्रमुख मागण्यांसाठी सकल मातंग समाज, महाराष्ट्र राज्य तालुका देगलूर जिल्हा नांदेड यांच्या वतीने तहसीलदारांना निवेदन सादर करण्यात आले. हे निवेदन महाराष्ट्र राज्य मुख्यमंत्री देवेंद्र फडणवीस यांना दिले. शासनाने यावर तातडीने सकारात्मक निर्णय घ्यावा, अशी मागणी करण्यात आली आहे. 

माजी न्यायमूर्ती बदर समितीच्या शिफारशीनुसार अनुसूचित जातीच्या ५९ जातींचे वर्गीकरण करताना १९६१ ची लोकसंख्या गृहीत धरण्यात यावी, अशी प्रमुख मागणी निवेदनाद्वारे मांडण्यात आली आहे. यासोबतच, लहुजी साळवे अभ्यास आयोगाने शासनाला दिलेल्या शिफारशी तत्काळ लागू करून मातंग समाजाला न्याय द्यावा, अनुसूचित जातीतील ५९ जातीची आजची लोकसंख्या गृही धरून वर्गीकरण करावे तसेच वीस वर्षात वीस वर्षे झाली तरी सरकारने स्वीकारलेल्या ६८ शिफारशी पैकी एकही शिफारशीची अंमलबजावणी केली नाही. म्हणून शासनाने बजेट्सह तरतूद करून या शिफारशीची अंमलबजावणी करण्यासाठी सर्व खात्यांना परिपत्रक आले पाहिजे असेही निवेदनात नमूद करण्यात आले आहे.

यावेळी उपस्थित समाज बांधवांनी शासनाला इशारा दिला की, “आमच्या मागण्यांची दखल घेऊन २० एप्रिल २०२५ पर्यंत अंमलबजावणी झाली नाही, तर २० मे २०२५ रोजी संपूर्ण महाराष्ट्रातील मातंग समाज लाखोंच्या संख्येने मुंबईतील आझाद मैदानावर उतरेल आणि आक्रमक आंदोलन छेडल्या शिवाय राहणार नाही.” या निवेदन सादरी करणावेळी अरविंद गुंबडे शहापूरकर, सुभाष आलापुरकर, राजेंद्र मंडगिकर, रवी गवळी, गंगाधर भुयारे, सुभाष वाघमारे कीनिकर, हणमंतराव बजिरे, प्रकाश गवलवाड, पंडित गवाले सरपंच, खंडू गवलवाड, शेषराव गुजलवाड यांच्यासह सर्व परिसरातील मोठ्या संख्येने समाज बांधव उपस्थित होते. सकल मातंग समाजाच्या या निर्णायक पावलामुळे शासनावर दबाव वाढणार असून, समाजातील मागण्यांवर त्वरित निर्णय न घेतल्यास तीव्र आंदोलन उभे राहील, अशी भावना यावेळी समाजबांधवांनी व्यक्त केली.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)