🛑 फाऊंडेशन तर्फे चिमुकल्यांस जि.प.कन्या शाळेस स्मार्ट टि.व्ही. दिली भेट

🔴 गुरुजी फाऊंडेशन ने फुलवले चिमुकल्यांच्या चेहऱ्यावर समाधान, जि.प.कन्या शाळा उमरीस दिला स्मार्ट टि.व्ही. भेट. 

शिवगर्जना न्यूज, 

नांदेड प्रतिनिधी : निळकंठ जाधव

नांदेड जिल्ह्यातील दि.१२/०३/२४ रोजी उमरी तालूक्यातील VPK उद्योग समुहाशी संलग्न गुरुजी फाऊंडेशन ने जिल्हा परिषद कन्या प्राथमिक शाळेतील मुलींना स्मार्ट व तंत्रज्ञानाच्या साह्याने शिक्षण मिळावे म्हणून ५५ इंची टी.व्ही. भेट दिला असून, आज जिल्हा परिषद कन्या शाळा उमरी येथे झालेल्या कार्यक्रमात उमरी तालूक्याचे गट शिक्षणाधिकारी नंदकुमार कुलकर्णी व शाळेच्या मुख्याध्यापिका संगिता सिंगरवाड यांना गुरुजी फाऊंडेशन अध्यक्ष श्री.संदिप पाटील कवळे व संचालिका पूजा पाटील कवळे (जाधव) व सर्व पदाधिकारी यांनी सूपूर्द केला. या प्रसंगी गट शिक्षणाधिकारी श्री.कुलकर्णी म्हणाले, “मारोतराव कवळे गुरूजी यांनी घालून दिलेल्या आदर्शाचा वारसा त्यांच्या मुलांनी पुढे चालू ठेवला, व्याख्याते (भाषण करणारे) जागोजागी भेटतात पण दाते (दान करणारे) खूप कमी असतात. समाजाच्या हितासाठी कवळे गुरूजी नेहेमीच अग्रेसर असतात, यापूर्वी ही त्यांनी अनेक जि.प. शाळांना संगणक, प्रोजेक्टर भेट दिले आहेत. असेही त्यांनी सांगीतले. माझे वडील व माझे कुटूंब गुरुजी फाऊंडेशन च्या माध्यमातून सातत्याने समाज उपयोगी कार्य करीत आहोत, शाळांच्या सोबतच उमरी धर्माबाद नायेगांव या तालुक्यात आम्ही शेतकऱ्यांच्या जल सिंचनासाठी बंधारे बांधण्याचे कार्य हाती घेतले आहे, या शाळेस आम्ही यानंतर ही अध्ययन पुरक वस्तु पुराविण्याचा प्रयत्न करू असे आश्वासन फाऊंडेशनचे अध्यक्ष संदिप पाटील कवळे व पूजाताई कवळे /जाधव यांनी दिले तर,आम्ही शाळेत शिकतांना मला अनेक अडचणी आल्या, त्या माझ्या बाबांनी सोडविल्या, पण या शाळेत शिकणाऱ्या अनेक मुलींची अडचण सोडविण्याची आर्थीक परिस्थिती त्यांच्या पालकात असतेच असे नाही. मग त्यांच्या शिक्षणाचे काय? हा प्रश्न मला पडला म्हणूनच या शाळेला काहीतरी द्यावे, असा विचार आला व गुरुजी फाऊंडेशन च्या माध्यमातून आम्ही एक पुष्प अर्पन करीत आहोत. याप्रसंगी शिक्षण विस्तार अधिकारी शंकर बेळकोणे, केंद्र प्रमुख संतोष चाटोरीकर यांनी “गुरुजी फाऊंडेशन” ने केलेले कार्य अविस्मरणीय व गौरवपूर्ण आहे. आम्ही त्यांचे आभारी आहोत असे गौरवोद्गार काढले. या कार्यक्रमास मा.नगराध्यक्ष सुभाष पेरेवार, गुरुजी फाउंडेशनचे लक्ष्मणराव पाटील हारेगांवकर, उपाध्यक्ष मधुकरराव पाटील बोळसेकर, उत्तमराव होनशेट्टे, सचिव सुनिल जोगदंड, संचालक तथा कार्यवाह यु.जी.कदम ( मा. शि.तळेगांव बिट), बाबूराव भोसले, प्रशांत कदम नायगाव, उत्तमराव जाधव (मा.संचालक मार्केट कमिटी) संदिप बादलवाड (अध्यक्ष शा.व्य.स.केंद्र उमरी), वर्षा पडोळे ( अध्यक्ष कन्या शाळा उमरी), वर्षा जाधव यांच्यासह अनेक पालक व सर्व शिक्षक उपस्थित होते, आभार प्रदर्शन वत्सला पाटील यांनी केले.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)