🛑 वैभव सूर्यवंशी चा धमाका! सचिन तेंडुलकर विक्रम मोडीत रचला इतिहास

🛑 वैभव सूर्यवंशी चा धमाका! सचिन तेंडुलकर विक्रम मोडीत रचला इतिहास

शिवगर्जना न्यूज, 

प्रतिनिधी

आयपीएल (IPL) २०२६ मध्ये ३६ व्या सामन्यात राजस्थान रॉयल्सकडून खेळताना (वैभव सूर्यवंशीने) इतिहास रचला. जयपूर मध्ये झालेल्या सामन्यात त्याने सनरायझर्स हैदराबादच्या गोलंदाजांची धुलाई करत अवघ्या ३६ चेंडूत शतक ठोकले.

झंझावाती खेळीत त्याने १२ षटकार आणि ५ चौकार मारले. विशेष म्हणजे, वैभवने याआधी IPL २०२५ मध्ये ३५ चेंडूत शतक झळकावले होते.या सामन्यात त्याने सुरुवातीपासूनच आक्रमक पवित्रा घेत अवघ्या १५ चेंडूत अर्धशतक पूर्ण केले आणि सर्वांनाच चकित करून सोडले.

हैदराबादविरुद्ध ४५ धावा पूर्ण करताच वैभवने T२० क्रिकेटमध्ये १००० धावा पूर्ण केल्या. अवघ्या १५ वर्षे २९ दिवस या वयात हा टप्पा गाठणारा तो जगातील सर्वात तरुण खेळाडू ठरला आहे. त्याने आपल्या २६ व्या डावात हे यश मिळवले.

T२० मध्ये सर्वात जलद १००० धावा करणारे भारतीय फलंदाज *देवदत्त पडिक्कल- २५, *वैभव सूर्यवंशी- २६, *रोहन कदम – २७, *सचिन तेंडुलकर – ३१ *अंकित लांबा – ३२

वैभवने IPL मध्ये तिसऱ्यांदा १५ चेंडूत अर्धशतक झळकावण्याचा पराक्रम केला आहे. आयपीएल २०२६ च्या ७ सामन्यांत त्याने २०० च्या स्ट्राइक रेटने ३५७ धावा केल्या आहेत.

आयपीएल २०२५ मध्येही गुजरात टायटन्स विरुद्ध शतक झळकावून टी२० इतिहासातील सर्वात तरुण शतकवीर ठरला होता. त्या हंगामात ८ सामन्यांत २९२ धावा केल्या होत्या. तेच सातत्य कायम राखत त्याने पुन्हा एकदा ३६ चेंडूत शतक झळकावून आपली क्षमता सिद्ध केली आहे. वैभव सूर्यवंशी हा भारतीय क्रिकेटचा पुढचा मोठा सुपरस्टार मानला जात असून, त्याच्या बॅटने सध्या मोठ-मोठे विक्रम रचले जात आहेत. 

🔴मुख्य संपादक: श्री शहाजी वरखिंडे  9923072242