🔴 जीवन आहे एक रंगमंच

🔴 जीवन आहे एक रंगमंच… 

शिवगर्जना न्यूज, 

संपादक : श्री शहाजी वरखिंडे   9923072242

मानवी जीवन ही एक कधीच न ऐकलेली, कधीच न उलगडणारी गुढ कहाणी आहे..आणि आपण सर्वजण त्या कहाणीतील “वेगवेगळी पात्र”आहोत..!आपल्या जन्मापुर्वी हे जग होतंच आणि आपल्या मृत्यू नंतर पण हा कारभार तसाच चालत राहणार आहे.. आपल्या येण्याने अथवा आपल्या जाण्याने इथे कुणालाच काहीच फरक पडणार नाही. ह्या अवाढव्य अशा रंगमंचावर*श आपली (इंट्री) Entry मध्येच केंव्हातरी होते आणी Exit ही..! हे नाटक कीती वर्षाचं..?? 

चाळीशी,…पन्नाशी,…सत्तरी,…की शंभरी ते कुणालाच व काहीच माहित नाही.. सगळंच अज्ञात धडधाकट भुमिका मिळणार की जन्मांधळेपणा? की कायमचं अपंगत्व..? बुद्धीचं वरदान मिळणार, की मतिमंद भुमिका हे पण माहित नाही..तरीही आपला गर्व.., अहंकार…देहलालसा कीती सांगावं…? भगवंताने या पृथ्वीतलावर आपल्याला त्या बासरी सहीत पाठवलंय पण त्या सहा छिद्रातून संगीताचे सप्तसूर कधीच जन्माला येतच नाहीत..तर षड्रिपूचेच अवतार प्रकट होतात.. स्वतःला कांहीच कमी नाही..स्वास्थाला धक्का लागलेला नाही..तरीपण या ठीकाणी सर्वांचेच वेगवेगळे दुःख आहेत.. कोणी याठीकाणी सर्वकाही मिळून सुद्धा “नाखूष” आहे, तर कोणी त्याच्याजवळ जे आहे त्यातच “आनंदी” रहायला शिकला आहे..! याठीकाणी कोणी खूप पैसा कमावण्यासाठी सतत शर्यतीतल्या घोड्याप्रमाणे धावतो आहे. तर कोणी शांती आणि समाधान याच्या शोधात भटकत फिरतो आहे…!

या ठिकाणी प्रत्येकाची लढाई आणि प्रत्येकाची शर्यत वेगळी आहे.. कोणी हसत हसतच… तुटत आहे तर कोणी तुटलेल्या मनानेच स्वतःला त्या ठीकाणी जोडण्याचा प्रयत्न करत आहे…! कुणी स्वतःची तुलना इतरांसोबत करून उगीचच दुःखी होतो आहे तर कुणी बाहेरून देखावा (चेहऱ्यावर हसू ठेऊन..आपण खूप आनंदात आहोत हे दाखवण्याचा प्रयत्न करत आहे) करून आपण खूप खूप मजेत म्हणजेच आनंदात असल्याचं दाखवण्याचा प्रयत्न करतो आहे..!!

शेवटी जीवनाची सार्थकता ही यातच आहे की भगवंताने आपल्याला जे काही दिलं आहे ते पण काही कमी नाही..आणि जे नाही मि॓ळालंय.. कदाचित त्याची आपल्याला गरज पण नव्हती…! भगवंत जे काही देतो ते आपल्या चांगल्यासाठीच देतो..फक्त त्याच्यावर विश्वास असायला हवा..! आणि भगवंताकडे जाताना आपण जर त्या भगवंताचे जावई बनून न जाता त्याचा मुलगा बनून गेलं पाहिजे तर तो आपल्या मांडीवर बसवून घेतल्याशिवाय राहणार नाही.. कारण जावई हा कधीच संतुष्ट होत नसतो..!

ज्या भगवंताने आपल्याला या पृथ्वीतलावर पाठवले आहे..त्या भगवंताकडे परत जाताना रिकाम्या हाताने कसे काय जायचे ..? आपण पाहुण्यांकडे जाताना पण रिकाम्या हाताने जात नाही.. काही फळं अथवा, मीठाईचा बाॅक्स घेऊन जातो. मग इथे तर जो भगवंत आपलं २४ तास श्वासोच्छ्वास तसंच आपलं जीवन चालवतो. त्या भगवंताच्या घरी आपण रिकामे जाणे योग्य ठरेल का..?

म्हणूनच जमेल तेंव्हा चांगले काम करून..सत्कर्माची शिदोरी सोबत घेऊन गेल्यावर तो भगवंत नक्कीच आनंदी होईल..!

निळकंठ बाबाराव पाटील मैलापूरे, कारेगावकर

छत्रपती संभाजीनगर – ४३११३६मो. नं. – ९८८१०८४३२०  ✍️ वर्गमित्र.