🛑 देगलूर नगरपरिषद कर्मचाऱ्यांच्या वतीने “महाराष्ट्र लोकसेवा हक्क दिन” साजरा.

🔴 देगलूर नगरपरिषद कर्मचाऱ्यांच्या वतीने “महाराष्ट्र लोकसेवा हक्क दिन” साजरा.

शिवगर्जना न्यूज, 

देगलूर प्रतिनिधी  9923072242

आज दिनांक २८ एप्रिल २०२६ रोजी नगर परिषद देगलूर कार्यालयात “महाराष्ट्र लोकसेवा हक्क दिन” नगर परिषद कर्मचाऱ्यांच्या वतीने साजरा करण्यात आला.

यावेळी मा.नगराध्यक्षा सौ. विजयमाला बालाजीराव टेकाळे तसेच मा. मुख्याधिकारी श्रीमती निलम कांबळे मॅडम यांच्या सूचने नुसार, नगर परिषद मधील सर्व अधिकारी आणि कर्मचारी यांनी लोकसेवा हक्क बाबत पुढील प्रमाणे शपथ घेतली…

“मी, गांभीर्यपूर्वक शपथ घेतो/घेते की, महाराष्ट्र लोकसेवा हक्क अधिनियम २०१५ अंतर्गत शासनाच्या सेवा पारदर्शक पध्दतीने, विहित कालमर्यादेत व सौजन्याने पात्र नागरिकांना देण्याकामी मला सुपूर्द करण्यात आलेली जबाबदारी पूर्ण प्रमाणिकतेने, निष्ठेने, सचोटीने, संवेदनशीलतेने व तत्परतेने पार पाडण्यासाठी मी कटिबद्ध राहीन. मी सेवा वितरण प्रक्रियेत कोणत्याही प्रकारचा विलंब, अडथळा किंवा भ्रष्टाचार होणार नाही, याची काळजी घेईल आणि नागरिकांच्या हक्काचे जतन करण्यासाठी सदैव तत्पर राहील”

महाराष्ट्र लोकसेवा हक्क अधिनियम, २०१५ (RTS Act) अंतर्गत नागरिकांना वेळेत आणि पारदर्शक सेवा मिळवून देण्यासाठी २८ एप्रिल हा दिवस राज्यभरात ‘सेवा हक्क दिन’ म्हणून साजरा केला जातो, ज्यामध्ये नगरपरिषदांद्वारे जनजागृती उपक्रम, नागरी सेवा आणि ‘आपले सरकार’ पोर्टलची माहिती दिली जाते.

यावेळी ‘लोकसेवा हक्क शपथ’ घेण्यासाठी नगर परिषद देगलूर कार्यालयातील सर्व अधिकारी, कर्मचारी उपस्थित होते.

🔴मुख्य संपादक: श्री शहाजी वरखिंडेमो. 9923072242