🛑 ग्रामपंचायत कार्यालय घेतलेल्या सांस्कृतिक स्पर्धेत जि.प.प्रा. शाळा प्रथम

54

February 20, 2025

🔴 ग्रामपंचायत कार्यालय पिंपळगावने घेतलेल्या सांस्कृतिक स्पर्धेत जिल्हा परिषद प्राथमिक शाळा देगाव प्रथम तर नायगाव कॅम्प द्वितीय.

शिवगर्जना न्यूज,

नायगाव

नायगाव तालुक्यातील पिंपळगाव ग्रामपंचायत दरवर्षी प्रजासत्ताक दिनानिमित्त नायगाव केंद्रातील जिल्हा परिषद शाळांच्या सांस्कृतिक स्पर्धेचे आयोजन करते. नायगाव केंद्रात एकूण बारा शाळा आहेत त्यापैकी जिल्हा परिषदेच्या नऊ शाळांनी या स्पर्धेत भाग घेतला होता. यावेळी क्रांतीज्योती सावित्रीबाई फुले यांच्या प्रतिमेचे पूजन व सांस्कृतिक रंगमंचाचे उद्घाटन नायगावचे गटविकास अधिकारी लक्ष्मण वाजे यांच्या हस्ते करण्यात आले.

यावेळी सरपंच सौ. लक्ष्मीबाई रावसाहेब कदम, केंद्रप्रमुख शिवराज साधू, शालेय व्यवस्थापन समितीचे अध्यक्ष भगवान माने, पोलीस पाटील चंद्रकांत कदम, पोलीस स्टेशन नायगावचे उमेश सांगवीकर, महेश्वर कदम, रियाज शेख यांची प्रमुख उपस्थिती होती. ग्रामपंचायत कार्यालयाने आयोजित केलेल्या सांस्कृतिक स्पर्धेत अमृतनगर, देगाव, टाकळगाव, पळसगाव, नायगाव कॅम्प जि.प.हा. नायगाव, पिंपळगाव, खैरगाव, शेळगाव छत्री या शाळांनी सहभाग नोंदवला होता.

या स्पर्धेचे परीक्षक म्हणून शांती निकेतन हायस्कूल रुईचे माध्यमिक शिक्षक व्यंकट आनेराये, ज.ने.वि. बरबड्याचे माध्यमिक शिक्षक नागोराव तिप्पलवाड यांनी काम पाहिले. विषयाची निवड, सादरीकरण, वेशभूषा इत्यादी निकष लावून त्यानी स्पर्धेचा निकाल लावला. ग्रामपंचायत कार्यालय पिंपळगावने ठेवलेल्या ७००० रुपयांचे प्रथम क्रमांकाचे बक्षीस जिल्हा परिषद प्राथमिक शाळा देगावच्या विद्यार्थ्यांनी पटकावले तर ५००० रुपयाचे दुसरे बक्षीस नायगाव कॅम्प या शाळेतील विद्यार्थ्यांनी जिंकले.

पोलीस पाटील चंद्रकांत कदम यांनी ठेवलेले तीन हजार रुपयांचे तिसरे बक्षीस पटकावण्याचा मान जिल्हा परिषद प्राथमिक शाळा पिंपळगाव या स्थानिक शाळेला मिळाला. तर गटविकास अधिकारी यांनी बक्षीस स्वरूपात ठेवलेले २५०० हजार रुपयाचे बक्षीस प्रा.शा. खैरगाव या शाळेने पटकावले. ग्रामपंचायत कार्यालय पिंपळगाव च्या वतीने सहभागी शाळांना प्रत्येकी ५०० रुपये आणि सन्मान चिन्ह भेट देण्यात आले. विद्यार्थ्यांच्या कलागुणांना वाव मिळावा, जिल्हा परिषद शाळेचा दर्जा उंचावा, शाळा बाहेर कोणतेही मूल राहू नये यासाठी ग्रामपंचायत प्रयत्नशील असूनयाचे जिल्हाभरातून कौतुक होत आहे.

कार्यक्रम यशस्वीतेसाठी मनोज कदम, वैजनाथ लाडके, विठ्ठल जोगदंड, अविनाश साबणे, सुनील सूर्यवंशी, ओमप्रकाश इंगोले, गौतम वाघमारे, माधव देवकर, शामराव चापलवाड, खाजासाब सय्यद , अजय घोगरे, मारोती माने ,प्रकाश इंगोले, राजपाल सोनटक्के यासह मुख्याध्यापक संजय पचलिंग, वसंत शिंदे, वीरभद्र मिरेवाड, दिगंबर हिवराळे, मारोती तमन्ना, सौ.गीता लोकरे, सौ.रत्नमाला मोरलवार आदि सह अनेकांनी परिश्रम घेतले. यावेळी स्पर्धा पाहण्यासाठी गावकऱ्यांनी मोठी गर्दी केली होती.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)

Buy now

🛑 ग्रामपंचायत कार्यालय घेतलेल्या सांस्कृतिक स्पर्धेत जि.प.प्रा. शाळा प्रथम

ताज्या बातम्या

🔴 देगलूरमध्ये ‘महिला बचतगटांचा दीपोत्सव २०२६’ उत्साहात सुरू; ५० बचतगटांचा सहभाग.

🔴 सेवानिवृत्त नायब तहसीलदार मदनराव जोंधळे यांचे ७७व्या वर्षी निधन.

🔴 संस्कारांची शिदोरी, कर्तृत्वाची भरारी डॉ. वैष्णवी गोरडवार यांचा कुंभार समाजाच्या वतीने गौरव.

ताज्या बातम्या

🔴 देगलूरमध्ये ‘महिला बचतगटांचा दीपोत्सव २०२६’ उत्साहात सुरू; ५० बचतगटांचा सहभाग.

🔴 सेवानिवृत्त नायब तहसीलदार मदनराव जोंधळे यांचे ७७व्या वर्षी निधन.

🔴 संस्कारांची शिदोरी, कर्तृत्वाची भरारी डॉ. वैष्णवी गोरडवार यांचा कुंभार समाजाच्या वतीने गौरव.

🔴 शेतकरी हितासाठी लढणारे संभाजी ब्रिगेडचे ता. अध्यक्ष शहाजी पाटील बोरगावकर यांना वाढदिवसाच्या शुभेच्छा.

🔴 देगलूर महाविद्यालयाचे प्रा. डॉ. संजय पाटीलने प्रदीर्घ सेवे नंतर सेवानिवृत्त.