🛑 नियम धाब्यावर ठेवून पंचायत समितीचे कानावर हात, तोंडावर बोट

61

February 17, 2025

🔴 कोठाळा येथे नियम धाब्यावर फेवर ब्लॉगचे कामे पंचायत समितीचे कानावर हात आणि तोंडावर बोट

शिवगर्जना न्यूज,

नांदेड प्रतिनिधी : निळकंठ जाधव

नांदेड जिल्ह्यातील नायगाव तालुक्यातील घोटाळा येथे महात्मा गांधी राष्ट्रीय ग्रामीण रोजगार हमी योजनेतंर्गत सिमेंट रस्ता व पेव्हर ब्लॅकची तीन मिटर पेक्षा रुंदीची कामे करण्यात येवू नयेत असे म.न.रे.गा. आयुक्त नागपूर यांचे आदेश आहेत. पण नायगाव तालुक्यात हे आदेश धाब्यावर बसवून कामे होत असल्याने या नियमबाह्य कामांना कुणाचा पाठिंबा आहे अशी चर्चा होत आहे.

महात्मा गांधी राष्ट्रीय ग्रामीण रोजगार हमी योजनेच्या कामात नायगाव तालुक्यात मोठ्या प्रमाणात भ्रष्टाचार सुरु तर आहेच पण कामे करतांना शासकीय नियम गुंडाळून कामे सुरु होती. त्यामुळे ६०.४० चा अनुपात पाळण्यात येत नव्हता परिणामी मनरेगा आयुक्त नागपूर यांनी नवीन कामे तर नकोच पण वर्क कोड दिलेली कामे सुरु न झाल्यास ती कामे करण्यात येवू नये असे आदेश ४ डिसेंबर २०२४ रोजी दिले होते तरीही नायगाव पंचायत समितीने तालुक्यात तब्बल २९ कामे सुरु केली.

आदेश डावलून सुरु करण्यात आलेल्या कामांना गटविकास अधिकाऱ्यासह कनिष्ठ अभियंते, तांत्रिक सहायक, सहायक कार्यक्रम अधिकारी व रोजगार सेवक कारणीभूत असल्याचे निदर्शनास आले.या प्रकरणी कारणे दाखवा नोटीस येताच गटविकास अधिकारी एल.आर. वाजे यांनी सारवासारव करण्यास सुरुवात केली असली तरी, पेव्हर ब्लॅकची कामे नियम गुंडाळून करण्यात येत आहेत. मनरेगातून कुशल कामे करण्यासाठी ९०.१० या हेडखाली सिमेंट रस्ते व पेव्हर ब्लॉकची कामे करता येतात. मात्र या कामातही अनियमितता होत असल्याने म.न.रे.गा. आयुक्त नागपूर यांनी आक्टोबर २०२४ मध्ये तीन मिटर रुंद सिमेंट रस्ते व पेव्हर ब्लॉकच्या कामांना मंजुरी देवू नये व दिली असेल आणि काम सुरु झाले नसेल तर ते रद्द करण्यात यावे असे आदेश दिले होते. विशेष म्हणजे ग्रामीण भागात ग्रामपंचायत, गावातील मंदिरे, अंगणवाडी, शाळा, समाज मंदिर व मोकळ्या जागेत पेव्हर ब्लॉकची कामे केली जातात.

म.न.रे.गा. आयुक्तांच्या आदेशानंतर अशा प्रकारची कामे बंद होणे अपेक्षित असतांना अर्थिक तडजोडी करुन कामे सुरुच ठेवण्यात आली आहेत. नायगाव तालुक्यातील कोठाळा येथे तीन मिटर पेक्षा जास्त रुंदीची कामे करण्यात येत आहेत. याकडे लक्ष वेधले असता पंचायत समितीची यंत्रणा कानावर हात व तोंडावर बोट ठेवून बसली आहे. नियमबाह्य कामातून मोठ्या प्रमाणात मलिदा मिळत असल्याने अशा कामांना पाठींबा देण्यात येत आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)

Buy now

🛑 नियम धाब्यावर ठेवून पंचायत समितीचे कानावर हात, तोंडावर बोट

ताज्या बातम्या

🔴 दरेगावात जल दीपावलीचा उपक्रम; ४ नोव्हेंबरला जिल्हाधिकाऱ्यांच्या हस्ते उद्घाटन.

🛑 पावसाअभावी हळदीचे पीक करपले; शेतकऱ्यांचे लाखोंचे नुकसान.

🔴 देगलूरमध्ये ‘महिला बचतगटांचा दीपोत्सव २०२६’ उत्साहात सुरू; ५० बचतगटांचा सहभाग.

ताज्या बातम्या

🔴 दरेगावात जल दीपावलीचा उपक्रम; ४ नोव्हेंबरला जिल्हाधिकाऱ्यांच्या हस्ते उद्घाटन.

🛑 पावसाअभावी हळदीचे पीक करपले; शेतकऱ्यांचे लाखोंचे नुकसान.

🔴 देगलूरमध्ये ‘महिला बचतगटांचा दीपोत्सव २०२६’ उत्साहात सुरू; ५० बचतगटांचा सहभाग.

🔴 सेवानिवृत्त नायब तहसीलदार मदनराव जोंधळे यांचे ७७व्या वर्षी निधन.

🔴 संस्कारांची शिदोरी, कर्तृत्वाची भरारी डॉ. वैष्णवी गोरडवार यांचा कुंभार समाजाच्या वतीने गौरव.