🛑शालेय जीवन वेगाने बदलत आहे याचा स्वीकार करावा, — मा.आ. पटणे

🔴शालेय जीवन वेगाने बदलत आहे याचा स्वीकार करावा, वाचन संस्कृती वाढवा, तंत्रज्ञानाशी मैत्री जुळवा —मा.आ.गंगाधरराव पटणे. 

शिवगर्जना न्यूज, 

नायगाव : बाळासाहेब पांडे

ग्रामीण मुलांनी जर शालेय जिवनातच ध्येय ठरवले तर, कठीण परिस्थितीवर मात करुन अधिकारी होण्याचे स्वप्न पूर्ण करता येते. गेले अनेक वर्ष झाले या शाळेने गुणवंत विद्यार्थी निर्माण केले. वाचन संस्कृती टिकवली साने गुरुजी व डॉ. बाबासाहेब यांच्या विचारा प्रमाणे वाचाल तर वाचाल हे ध्येय साध्य करण्याचा प्रयत्न केला. सध्याच्या युगात शालेय जीवन वेगाने झपाट्याने बदलत आहे, बदलांचा स्वीकार करावा व आपले जीवन कृतार्थ करावे, तंत्रज्ञानाशी मैत्री वाढवा असे उद्गगार मा. आमदार गंगाधराव पटणे यांनी साने गुरुजी विद्यालय देगाव येथे दहावी च्या मुलांना निरोप समारोह प्रसंगी मार्गदर्शन करतांना केले. 

पूज्य साने गुरुजी विद्यामंदिर देगांव येथे वर्ग दहावीच्या मुलांना शाळेच्या वतीने निरोप समारंभ कार्यक्रमाचे आयोजन नुकतेच १४ रोजी करण्यात आले होते. या वेळी सर्व मुलांना निरोप देण्यात आला. या निरोप समारंभ कार्यक्रमाचे अध्यक्ष मा.रावसाहेब पाटील मोरे, प्रमूख मार्गदर्शक मा.आ. गंगाधरराव पटणे होते. 

आमदार पटणे यांनी आपल्या भाषणात मुलांना शालेय जिवनातील अनेक प्रसंग सांगीतले. रावसाहेब पाटील मोरे, कार्यक्रमाचे अध्यक्ष मा. रफीक शेख पोलीस उप अधिक्षक बिलोली यांनी आपल्या मनोगतात मुलांना शुभेच्छा दिल्या व म्हणाले परीक्षा म्हणजे जीवन आहे, आता तुम्हाला जीवनामध्ये अनेक परीक्षा द्यावे लागणार आहेत. कष्टातून दिलेली परीक्षा यशस्वी होते, तुम्ही वर्षभर कष्ठ केलात हमखास यश मिळणारच असं मला वाटते, रामकृष्ण पाटील पोलीस निरिक्षक कुंटूर, यांनी आपल्या मनोगतात मुलांना माहिती तंत्रज्ञानाची सांगीतली. त्याचा वापर जरा जपून करा. मोबाईलने आपले जीवन बंदिस्त केले आहे. तुम्ही मैदानी खेळ न खेळता मोबाईल खेळण व त्यात रमण हीच मुलांची दिन चर्या झाली आहे त्याचे वाईट परिणाम सांगितले. 

या प्रसंगी गावातील प्रतिष्ठीत नागरीक व माजी सरपंच पालक संघाचे प्रतिनिधी, नामदेव चिंचलवाड, शिवाजी पाटील शिंदे उपस्थित होते. सर्व पाहूण्याच्या वतीने, पूज्य साने गुरुजी यांच्या प्रतिमेचे पूजन मान्यवरांच्या हस्ते संपन्न झाले पाहुण्याचा सन्मान करण्यात आला. स्वागत गिताने पाहुण्याचे स्वागत करण्यात आले. कार्यक्रमाचे प्रास्तविक देवाले माधवराव तर मनोगत  वर्ग नवविच्या मुुली भाग्यश्री घोगरे, रेश्मा चंदामापूरे यांनी मनोग व्यक्त केले.

दहावीच्या वर्गास निरोप देतांना कंठ दाटून आला मुलींच्या डोळ्यात अश्रू येत होते. पुढील शैक्षणिक भविष्यासाठी शुभेच्छा दिल्या. वर्ग दहावीच्या पूनम पांचाळ, शिवानी वानोळे, पल्लवी गायकवाड, योग्येश्री उपासे, संध्या कुमनाळे, शिफा शेख आदी मुला, मुलींनी आपल्या जुन्या आठवणी शाळेतील विविध उपक्रम हे आम्ही कधीच विसरू शकणार नाही. अशा भावना आपल्या मनोगतात व्यक्त केल्या. 

अनेक मुलीने आपल्या भाषणात म्हणाल्या मला शाळेतील सर्व गुरुने घडविले, शालेय जिवन व ग्रामीण भागातील महिलांचे जीवन म्हणजे बंधीस्त जीवन असे असतांनाही आमच्या वडीलांनी आम्हाला शिकविले तुम्हीही शिका मुलींनी आपल्या मनोगतात शालेय आठवणी सांगताना, व्यक्त करतांना प्रसंग सांगतांना भाऊक झाल्या व सर्व शिक्षकांचे आभार मानले. यावेळी गावातील प्रतिष्ठीत नागरीक गोविंदराव पाटील मोरे, भगवान पाटील, कोंडावार एल.डी, शेषेराव रोडे, रमेश शिंदे , गंगाधर बेळगे, मलन्ना कडलवार, शाहपूरे पिराजी, उमाकांत धुळेकर, श्रीमती इंदूमती जाधव मॅडम, सौ. मीरा मोरे मॅडम, मनीषा चिंचलवाड मॅडम आदी, कार्यक्रमाचे सुरेख सुत्रसंचलन बालाजी नागठाणे सरांनी केले व आभार मलन्ना कडलवार यांनी मानले.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)