🔴 अभिनेता प्रभाकर मठपती यांच्या ‘गोंधळ’ चित्रपटाची ऑस्करसाठी भारताची अधिकृत प्रवेशिका

🛑 घुंगराळ्याच्या सुपुत्राची आंतरराष्ट्रीय झेप; अभिनेता प्रभाकर मठपती यांच्या ‘गोंधळ’ चित्रपटाची ऑस्करसाठी भारताची अधिकृत प्रवेशिका

मराठी चित्रपटसृष्टीला मानाचा बहुमान; घुंगराळा नगरीतून जागतिक व्यासपीठापर्यंत प्रभाकर मठपती यांचा कलाप्रवास

शिवगर्जना न्यूज

नायगाव प्रतिनिधी : दिपक गजभारे

घुंगराळा : नायगाव तालुक्यातील घुंगराळा नगरीचे सुपुत्र तथा अभिनेते प्रभाकर मठपती यांनी आपल्या अभिनयाच्या माध्यमातून मराठी चित्रपटसृष्टीत वेगळी ओळख निर्माण केली आहे. त्यांच्या अभिनयाचा समावेश असलेल्या ‘गोंधळ’ या मराठी चित्रपटाची २०२७ च्या ऑस्करसाठी भारताची अधिकृत प्रवेशिका म्हणून निवड झाल्याची माहिती समोर आली असून, त्यामुळे घुंगराळा नगरीच्या शिरपेचात आणखी एक मानाचा तुरा खोवला गेला आहे.

ग्रामीण महाराष्ट्रातील लोकपरंपरा, संस्कृती आणि मातीतल्या जीवनशैलीचे चित्रण करणाऱ्या ‘गोंधळ’ या चित्रपटात प्रभाकर मठपती यांनी महत्त्वपूर्ण भूमिका साकारली आहे. ग्रामीण भागातून अभिनय क्षेत्रातील प्रवास सुरू करून त्यांनी आपल्या कलेच्या बळावर मराठी चित्रपटसृष्टीत आपली स्वतंत्र ओळख निर्माण केली आहे.

‘गोंधळ’ चित्रपटाला ऑस्करसाठी भारताची अधिकृत प्रवेशिका म्हणून निवड मिळाल्याने चित्रपटातील कलाकार, दिग्दर्शक आणि संपूर्ण टीमचे सर्व स्तरातून कौतुक होत आहे. या चित्रपटाच्या माध्यमातून मराठी चित्रपटाला आंतरराष्ट्रीय व्यासपीठावर पोहोचण्याची संधी मिळाली आहे.

घुंगराळा नगरीतून अभिनय क्षेत्रात पुढे आलेल्या प्रभाकर मठपती यांच्या कलाप्रवासाची राष्ट्रीय तसेच आंतरराष्ट्रीय स्तरावर दखल घेतली जात असल्याने घुंगराळा आणि नायगाव तालुक्यातील कला क्षेत्रात आनंदाचे वातावरण निर्माण झाले आहे.

ग्रामीण मातीतून सुरू झालेला प्रभाकर मठपती यांचा अभिनयाचा प्रवास आता मोठ्या जागतिक व्यासपीठापर्यंत पोहोचला आहे. त्यांच्या या यशामुळे परिसरातील नवोदित कलाकार आणि युवकांना निश्चितच प्रेरणा मिळत आहे.

प्रभाकर मठपती यांच्या या उल्लेखनीय कलाप्रवासाबद्दल घुंगराळा व नायगाव तालुक्यातून त्यांचे अभिनंदन करण्यात येत असून, त्यांच्या पुढील कलावाटचालीसाठी शुभेच्छा व्यक्त होत आहेत.

🔴मुख्य संपादक: श्री शहाजी वरखिंडे

मो. 9923072242