🛑 देगलूर तहसील कार्यालयासमोर शासनाच्या जी.आर.ची होळी; शेतकरी मदतीसाठी शिवसेनेचे आंदोलन

59

By Shahaji Warkhinde

September 28, 2026

🛑 देगलूर तहसील कार्यालयासमोर शासनाच्या जी.आर.ची होळी, शेतकरी मदतीसाठी शिवसेनेचे आंदोलन.

🎯 हेक्टरी एक लाखांची थेट मदत, पीक कर्ज माफी व १०० टक्के पीकविमा देण्याची मागणी

शिवगर्जना न्यूज : देगलूर प्रतिनिधी

देगलूर तालुक्यात गंभीर दुष्काळसदृश परिस्थिती निर्माण झाल्याच्या पार्श्वभूमीवर शासनाने दुष्काळ जाहीर करूनही शेतकरी व शेतमजुरांसाठी ठोस आर्थिक मदत जाहीर केलेली नसल्याचा आरोप करीत शिवसेनेच्या वतीने तहसील कार्यालयासमोर सोमवारी (दि. २८ सप्टेंबर) आंदोलन करण्यात आले. शिवसेना उपजिल्हाप्रमुख महेश पाटील यांच्या नेतृत्वाखाली झालेल्या या आंदोलनात शासनाच्या जी.आर.ची होळी करून जोरदार घोषणाबाजी करण्यात आली.

तालुक्यातील शेतकरी आर्थिक संकटात सापडले असून शासनाने केवळ दुष्काळ जाहीर न करता प्रत्यक्ष भरीव मदत करावी, अशी मागणी यावेळी करण्यात आली. प्रत्येक शेतकऱ्याला हेक्टरी एक लाख रुपये थेट मदत, सर्व शेतकऱ्यांचे पीककर्ज माफ करावे, रब्बी हंगामासाठी आर्थिक मदत द्यावी तसेच १०० टक्के पीक वम्याची रक्कम तात्काळ अदा करावी, अशी मागणी आंदोलकांनी केली.

गावागावातील जळालेले ट्रान्सफॉर्मर २४ तासांत बदलण्यात यावेत, वीजबिल माफ करावे, जलसंधारणाची कामे सुरू करावीत, पिण्याच्या पाण्याची व्यवस्था करावी आणि जनावरांसाठी चारा छावण्या सुरू कराव्यात, अशी मागणीही करण्यात आली.

दुष्काळी परिस्थितीतही बँकांकडून शेतकऱ्यांकडे कर्ज वसुलीसाठी तगादा लावला जात असून जप्तीच्या नोटिसा देण्यात येत असल्याचा आरोप आंदोलकांनी केला. अशा नोटिसा तात्काळ थांबवाव्यात आणि शेतकऱ्यांना महिन्याभरात विशेष आर्थिक पॅकेज द्यावे, अशी मागणी करण्यात आली.

तसेच शेतमजुरांना २५ हजार रुपये तातडीची आर्थिक मदत देऊन त्यांच्या हाताला रोजगार उपलब्ध करून द्यावा, अशी मागणी करण्यात आली.

या आंदोलनात देगलूर शिवसेना तालुका प्रमुख बालाजी पाटील इंगळे खुतमापुरकर, विधानसभा मतदारसंघ पांडुरंग पाटील थडके देगावकर, विधानसभा मतदारसंघ संघटक राजेंद्र इंगळे खानापूरकर, शहर प्रमुख भगवान जाधव, युवा सेना तालुका प्रमुख तथा शिवसेना सोशल मीडिया प्रमुख भागवत पाटील सोमुरकर, शहर संघटक मष्णाजी पैलावार, विभाग प्रमुख राजू उल्लेवार, उपविभाग प्रमुख शंकर जाधव, युवा सेना विभाग प्रमुख राजू पाटील जाधव हाळीकर, शिवसेना पदाधिकारी शंकर पवार, शिवाजी सोनकांबळे मुजळगेकर, उपविभाग प्रमुख नागनाथ विभुते, हाणमंत पुजंपवार, सुभाष खुनेवाड, युवा नेते तथा सामाजिक पदाधिकारी आकाश कोकणे सावरगावकर यांच्यासह शेतकरी, शेतमजूर व शिवसैनिक मोठ्या संख्येने उपस्थित होते.

🔴मुख्य संपादक: श्री शहाजी वरखिंडे मो. 9923072242

Previous article

🛑 घुंगराळ्यात पशुवैद्यकीय दवाखान्याची मागणी; मोहनराव तुरटवाड यांचे पालकमंत्र्यांना निवेदन

Next article

🔴 अभिनेता प्रभाकर मठपती यांच्या ‘गोंधळ’ चित्रपटाची ऑस्करसाठी भारताची अधिकृत प्रवेशिका

Shahaji Warkhinde

ताज्या बातम्या

ताज्या बातम्या