🛑 घुंगराळ्यात पशुवैद्यकीय दवाखान्याची मागणी; मोहनराव तुरटवाड यांचे पालकमंत्र्यांना निवेदन

🛑 घुंगराळा येथे पशुवैद्यकीय दवाखाना मंजूर करा; मोहनराव तुरटवाड यांचे पालकमंत्री अतुल सावे यांना निवेदन

दुष्काळी पाहणी दौऱ्यात पालकमंत्र्यांची भेट; पशुसंवर्धन मंत्री पंकजाताई मुंडे यांच्याकडे शिफारस करण्याची विनंती

शिवगर्जना न्यूज

नायगाव प्रतिनिधी :दिपक गजभारे

नायगाव : नांदेड जिल्ह्याचे पालकमंत्री मा. अतुल सावे दुष्काळसदृश्य परिस्थितीची पाहणी करण्यासाठी नायगाव विधानसभा मतदारसंघाच्या दौऱ्यावर आले असता, भारतीय जनता पार्टी अनुसूचित जमाती मोर्चाचे जिल्हा उपाध्यक्ष मोहनराव तुरटवाड यांनी त्यांची भेट घेऊन घुंगराळा येथे कायमस्वरूपी पशुवैद्यकीय दवाखाना मंजूर करण्याबाबत निवेदन दिले.

घुंगराळा येथे कायमस्वरूपी पशुवैद्यकीय दवाखाना मंजूर करण्यात यावा तसेच याबाबत राज्याच्या पशुसंवर्धन मंत्री पंकजाताई मुंडे यांच्याकडे शिफारस करून दवाखाना मंजूर करण्यासाठी आवश्यक पाठपुरावा करावा, अशी मागणी मोहनराव तुरटवाड यांनी निवेदनातून केली.

घुंगराळा परिसरात मोठ्या प्रमाणावर पशुधन असून, पशुपालकांना जनावरांच्या उपचारासाठी इतर ठिकाणी जावे लागते. त्यामुळे घुंगराळा येथेच पशुवैद्यकीय सेवा उपलब्ध झाल्यास परिसरातील पशु पालकांना मोठी सुविधा मिळणार असल्याचे निवेदनात नमूद करण्यात आले आहे.

तसेच घुंगराळा येथील आठवडी बाजार, परिसरातील पशुपालकांची संख्या आणि खंडोबा महाराज यात्रेच्या पार्श्वभूमीवर होणारे पशुप्रदर्शन लक्षात घेता, गावात कायमस्वरूपी पशुवैद्यकीय दवाखान्याची आवश्यकता असल्याचे तुरटवाड यांनी पालकमंत्र्यांच्या निदर्शनास आणून दिले.

ग्रामीण भागातील पशुपालकांसाठी जनावरांच्या आजारपणाच्या वेळी वेळेत उपचार मिळणे अत्यंत महत्त्वाचे आहे. घुंगराळा येथे पशुवैद्यकीय दवाखाना उपलब्ध झाल्यास परिसरातील पशुपालकांची होणारी गैरसोय दूर होण्यास मदत होईल, अशी अपेक्षा निवेदनातून व्यक्त करण्यात आली आहे.

यावेळी नांदेड जिल्ह्यातील दुष्काळसदृश्य परिस्थितीच्या पार्श्वभूमीवर पालकमंत्री अतुल सावे यांच्या पाहणी दौऱ्यादरम्यान हे निवेदन देण्यात आले. घुंगराळा येथे पशुवैद्यकीय दवाखाना मंजूर करण्यासाठी संबंधित विभागाकडे शिफारस करून आवश्यक कार्यवाही करावी अशी मागणी मोहनराव तुरटवाड यांनी केली आहे.

🔴मुख्य संपादक: श्री शहाजी वरखिंडे                   मो. 9923072242