🛑 राष्ट्रवादी काँग्रेसच्या आढावा बैठकीत संघटन बांधणीवर भर.

🔴 राष्ट्रवादी काँग्रेसच्या आढावा बैठकीत संघटन बांधणीवर भर बि.एल.ओ. आढावा, जनसेवा सप्ताहाच्या माध्यमातून समाजोपयोगी उपक्रमांवर भर द्यावा ; शिवराज पाटील होटाळकर यांचे पदाधिकाऱ्यांना आवाहन.

शिवगर्जना न्यूज,

नांदेड प्रतिनिधी

राष्ट्रवादी काँग्रेस पक्षाच्या वतीने सोमवारी (दि. १३ जुलै) नांदेड येथील शासकीय विश्रामगृहात पक्षाच्या संघटनात्मक कामकाजाचा व बूथ लेव्हल एजंट (बी.एल.ए.) नियोजनाचा आढावा घेण्यासाठी महत्त्वपूर्ण बैठक पार पडली. आगामी जनसेवा सप्ताह प्रभावीपणे राबविण्याबरोबरच पक्षाची संघटनात्मक ताकद अधिक भक्कम करण्याचा निर्धार यावेळी करण्यात आला. बैठकीस नांदेड जिल्ह्यातील ज्येष्ठ नेते तथा आमदार प्रतापराव पाटील चिखलीकर प्रमुख उपस्थित होते. बैठकीच्या अध्यक्षस्थानी माजी खासदार भास्करराव पाटील खतगावकर होते.

यावेळी राष्ट्रवादी काँग्रेस पक्षाचे नांदेड दक्षिण जिल्हाध्यक्ष शिवराज पाटील होटाळकर यांनी पक्षाच्या BLA यंत्रणेचा सविस्तर आढावा घेतला. तसेच दिवंगत अजितदादा पवार यांच्या पुण्यस्मरणानिमित्त दि. २२ ते २८ जुलै २०२६ या कालावधीत आयोजित करण्यात येणाऱ्या ‘जनसेवा सप्ताह’ अंतर्गत राबविण्यात येणाऱ्या विविध समाजोपयोगी उपक्रमांची माहिती देत पदाधिकारी व कार्यकर्त्यांना नियोजनबद्ध पद्धतीने काम करण्याचे आवाहन केले.

जनसेवा सप्ताहात आरोग्य शिबिरे, पर्यावरण संवर्धन, वृक्षारोपण, स्वच्छता अभियान, महिला सक्षमीकरण, शेतकरी सन्मान कार्यक्रम, कृषी मार्गदर्शन, युवक संकल्प शिबिरे, अल्पसंख्याक सेवा उपक्रम तसेच विविध सामाजिक उपक्रम मोठ्या प्रमाणावर राबविण्यात येणार असल्याचे त्यांनी सांगितले. प्रत्येक उपक्रम लोकाभिमुख व परिणामकारक होईल, यासाठी सर्व पदाधिकाऱ्यांनी जबाबदारीने काम करण्याचे निर्देशही त्यांनी दिले. बैठकीत आगामी राजकीय घडामोडी, पक्षविस्तार, बूथस्तरावरील संघटन बळकटीकरण, जनसंपर्क वाढविणे तसेच कार्यकर्त्यांच्या सक्रिय सहभागाबाबत ही सविस्तर चर्चा झाली.

यावेळी माजी आमदार ओमप्रकाश पोकर्णा, मोहन आण्णा हंबर्डे, अविनाश घाटे, माजी उपमहापौर सुरजीतसिंग गिल, उत्तर जिल्हाध्यक्ष बाळासाहेब रावणगावकर, प्रदेश सरचिटणीस वसंत सुगावे, जिल्हा कार्याध्यक्ष माधव पावडे, तालुकाध्यक्ष दीपक पावडे, अशोक मुगावकर, युवक जिल्हाध्यक्ष बालाजी शिंदे, डॉ. उत्तमराव सोनकांबळे, युवक शहराध्यक्ष मोहसीन खान, स्वप्निल इंगळे, कन्हैया कदम, नागनाथ घीसेवाड, शरद पवार (नगराध्यक्ष, लोहा), मन्नान चौधरी (उपनगराध्यक्ष, कंधार), बालाजी टेकाळे (नगराध्यक्ष, देगलूर), लक्ष्मीकांत पदमवार, हबीब मौलाना, स्वप्निल लुंगारे, नवल पोकर्णा, साबीर चाऊस, ॲड. नाजताई शेख, सोनाली हंबर्डे, ममता सोनकांबळे, इमरान खान, आनंदराव हेंडगे, गुलाबराव कदम, आनंदराव शिंदे, सटवाजी मोदलवाड, दयानंद मोरे, संदीप कदम, प्रकाश पाटील बेलकर यांच्यासह जिल्हाभरातील पक्षाचे पदाधिकारी, कार्यकर्ते व नागरिक मोठ्या संख्येने उपस्थित होते.

चौकट

‘जनसेवा सप्ताह’मध्ये हे उपक्रम आरोग्य तपासणी व आरोग्य शिबिरे, वृक्षारोपण व पर्यावरण संवर्धन, स्वच्छता अभियान, महिला सक्षमीकरण कार्यक्रम शेतकरी सन्मान व कृषी मार्गदर्शन, युवक संकल्प शिबिरे, अल्पसंख्याक सेवा उपक्रम विविध समाजोपयोगी व जनकल्याणकारी कार्यक्रम.

🔴मुख्य संपादक: श्री शहाजी वरखिंडे

मो. 9923072242