🛑 जनजागृती सेवा संस्थेच्या वतीने अनाथ मुलांना विविध वस्तूंची मदत.

🔴 जननी आशिष चॅरिटेबल ट्रस्ट मधील अनाथ मुलांना जनजागृती सेवा संस्थेच्या वतीने चादर, खाऊ, ब्लॅंकेटसची मदत.

शिवगर्जना न्यूज,

डोंबिवली : गुरुनाथ तिरपणकर

सामाजिक क्षेत्रात भरीव कार्य करणारी जनजागृती सेवा संस्था ही सर्वश्रुत आहे. गेल्या पाच वर्षात संस्थेने विविध उपक्रम यशस्वीरीत्या राबविले आहेत.असाच एक स्तुत्य उपक्रम डोंबिवली येथे राबविण्यात आला. जननी आशिष चॅरिटेबल ट्रस्ट अनाथ लहान मुलांचे संगोपन करत आहे.मुले म्हणजे देवाघरची फुले, त्यांच्या सोबत घालविलेला प्रत्येक क्षण आपल्याला शिकवितो कि, जीवन कीती सुंदर आहे.आणि साध्या गोष्टींमध्ये खरा आनंद लपला आहे. त्या मुलांना जनजागृती सेवा संस्थेच्या वतीने चादर, नवीन गोधड्या, ब्लॅंकेटसची मदत करण्यात आली. हा कार्यक्रम यशस्वी होण्यासाठी संस्थेच्या सहखजिनदार श्रुती उरणकर, पुनम कदम चंद्रकला मानकर, निता नेवरेकर, कल्पना पेडणेकर यांचे विशेष सहकार्य लाभले. कार्यक्रमासाठी ट्रस्टच्या संचालिका वंदना पाटील यांचेही मार्गदर्शन लाभले. यावेळी ट्रस्ट च्या पर्यवेक्षक शोभा हंडे, श्वेता भोसले, सुवर्णा लिपारे उपस्थित होत्या.संस्थेच्या सहखजिनदार श्रुती उरणकर यांनी इतर महिला सदस्यांना सोबत घेऊन कार्यक्रम यशस्वीरित्या पार पाडला.यावेळी संस्थेच्या अध्यक्षा श्रीमती जयश्री मोकाशी यांच्याशी जनजागृती सेवा संस्थेचे अध्यक्ष गुरुनाथ तिरपणकर यांनी दुरध्वनी वरुन संपर्क साधून संस्थेची माहिती जाणून घेतली.जननी आशिष ही संस्था गेली ३२वर्षे अनाथ मुलांचे संगोपन आणि दत्तक देऊन पुनर्वसन करते. गेल्या ३३ वर्षात ७०० हुन अधिक मुलांचे पुनर्वसन करण्यात संस्था यशस्वी झाली आहे.

🔴मुख्य संपादक: श्री शहाजी वरखिंडे

मो. 9923072242