🛑 भीम शब्द साहित्य संमेलन व पुरस्कार वितरण सोहळा येथे संपन्न.

🔴 तेजस बहुउद्देशीय सामाजिक संस्था व भीम शब्द साहित्य संमेलन व पुरस्कार वितरण सोहळा नाशिक येथे संपन्न.

शिवगर्जना न्यूज, 

प्रतिनिधी : डॉ. शाम जाधव

तेजस फाउंडेशन अध्यक्ष मेघा डोळस यांच्या अधिपत्याखाली हा सर्वोत्कृष्ट पुरस्कार सोहळा दि. ३१ मे २०२६ रोजी नाशिक रोड, रमाई नगर आंबेडकर भवन येथे संपन्न झाला. या फाउंडेशन प्रणित भीम शब्द साहित्य संमेलनाचे आयोजन करण्यात आले.

यावेळी काव्य संमेलनाचे उपाध्यक्ष गौतम डोळस, कमिटी अध्यक्ष व ज्येष्ठ पत्रकार श्री डॉ. शाम जाधव, हरिभक्त परायण रामभाऊ आवारे ज्येष्ठ पत्रकार वनसगाव निफाड व मनीष कांतीलाल मुथा पत्रकार यांच्या मार्गदर्शनाखाली भीम शब्द साहित्य संमेलन पुरस्कार सोहळा तेजस्वीरित्या पार पडला.

या सर्वोत्कृष्ट सोहळ्यात पुरस्काराच्या मानकरी मुंबई (उल्हासनगर) येथील सौ सुनीता ललित क्षीरसागर यांना सुरांची राणी हा राष्ट्रीय पारितोषिक पुरस्कार प्रदान करण्यात आला. त्यांचा अल्प परिचय… फॅशन डिझायनर, उत्तम साहित्य लेखिका, आद्य कवियत्री, विशेष आरोग्य सल्लागार, योग प्रशिक्षक, लावणी साम्राज्ञी, गायिका, कॅटर्स सह उत्तम सहकलाकार आहेत.

तसेच महाराष्ट्रातील विविध पुरस्काराने सन्मानित केलेल्या साहित्यिक लेखिका असून क्षीरसागर यांना भिमशब्द साहित्य संमेलनाच्या मानकरी म्हणून त्यांना सर्वोच्च बहुमानाने सन्मानित करण्यात आले. त्यांच्या कार्याने संपूर्ण महाराष्ट्रभरातून अभिनंदनचा वर्षाव होत आहे.

यावेळी गिरीश शहा, ज्योती वाघ, प्राध्यापक वर्षा कोल्हे, राधिका थेटे, कवी सुरेश डोळस, ज्योती बारस्कर, सुजाता सरनाईक, कवी भास्कर सायमन, राजहंस वाडे, किशोर दीक्षित अशा अनेक कवीचे विचार हे कवितेच्या स्वरूपातून सादर करण्यात आले.

अस्मरणीय असा पारितोषिक वितरण सोहळा व भीम शब्द साहित्य संमेलन मोठ्या उत्साहात नाशिक रमाई नगर डॉ. बाबासाहेब आंबेडकर भवन येथे पार पडले.

🔴मुख्य संपादक: श्री शहाजी वरखिंडे

मो. 9923072242