🛑 नायगाव तालुक्यातील गडगा येथे मुरूम माफियांचा धुडगूस

🔴 नायगाव तालुक्यातील गडगा येथे मुरूम माफियांचा धुडगूस. 

पथक नावालाच माफियांना मोकळे रान. 

शिवगर्जना न्यूज, 

सहसंपादक : निळकंठ जाधव

जिल्ह्यातील नायगाव तालुक्यात गडगा येथे गौण खनिजांच्या नावाखाली सुरू असलेली मुरूम लूट ही आता व्यवस्थात्मक गुन्हा ठरत असल्याचे चित्र स्पष्ट झाले आहे. मुरूम उत्खननाच्या नावाखाली अख्खी माळराने पोखरली जात असताना माफियांचा उच्छाद सुरू असताना महसूल प्रशासन मात्र जाणून बुजून डोळे झाक करत आहे का? असा सवाल नागरिक विचारत आहेत.

नायगाव तालुक्यातील गडगा येथे माळरानातून नाममात्र रॉयल्टीच्या आधारे शासनाच्या मालकीच्या गौण खनिजांची खुले आम चोरी सुरू आहे. कायद्याच्या चौकटीत परवानगी दाखवून प्रत्यक्षात नियमांना केराची टोपली दाखवली जात असून संपूर्ण डोंगरमाळराने खोल खड्ड्यांनी विदीर्ण झाली आहेत. यामुळे पर्यावरणाचा समतोल बिघडत असून भविष्यातील पाणीटंचाई व भूधसरणीचा धोका निर्माण झाला आहे.

रात्रीला व भर दिवसा माफिया राज. 

नायगाव तालुक्यातील ज्या पथकांकडून कारवाईची अपेक्षा आहे तीच पथके नावालाच असल्याची चर्चा उघड पणे नागरिकांतून सुरू आहे. आणि महसूलचा कोट्यवधींचा बुडवडा मात्र सुरूच आहे. परिणामी माफियांना मोकळे रान मिळाले असून सामान्य नागरिकांमध्ये प्रचंड असंतोष आहे. या गंभीर प्रकरणाकडे जिल्हाधिकारी यांनी तातडीने लक्ष घालून स्वतंत्र चौकशी करावी व दोषी अधिकारी कर्मचाऱ्यांवर कडक कारवाई करावी आणि अवैध गौण खनिज उत्खनन तात्काळ बंद करावे अशी मागणी नायगाव व गडगा येथील नागरिकांतून होत आहे. अन्यथा हा संताप उद्रेकाच्या दिशेने जात असल्याचा इशाराही दिला जात आहे.

अर्थ पूर्ण शांतता की व्यवस्थेची भागीदारी 

गडगा येथे शासनाकडून नाममात्र १०० ब्रासची रॉयल्टी मंजूर असलेल्या गटाच्या अडून मोठ्या प्रमाणात हजारो ब्रास मुरूम चिटकून असणाऱ्या गायरान सार्वजनिक जमिनीतील (बेकायदेशीर) उत्खन सुरू असल्याचा गंभीर बेकायदेशीर प्रकार सामोरे आला आहे. रॉयल्टी केवळ ०.८१ आर ठराविक क्षेत्रासाठी असताना प्रत्यक्षात मात्र गायरान जमिनीत उत्खन करून टिप्परच्या साह्याने मुरमाची अवैध वाहतूक केली जात आहे. 

या अवैध मुरूम उत्खनन प्रकरणात महसूल यंत्रणेची भूमिका संशयाच्या भोवऱ्यात सापडली आहे. अवैध मुरूम रोखण्यासाठी शासनाने पथके नियुक्त केली. असली तरी ही पथके मुरूम माफियांना मॅनेज असल्याप्रमाणे वागत असल्याचा आरोप नागरिक करत आहेत. त्यामुळे पथक आहे पण कारवाई नाही अशी अवस्था निर्माण झाली आहे.

रात्रीच्या अंधारात व दिवसा गेल्या चार दिवसापासून सतत अवैध मुरूम उपसा व वाहतूक जोरात सुरू आहे. कायदा सुव्यवस्थेचा पूर्ण पणे फज्जा उडवला जात आहे. विशेष म्हणजे ही अवैध मुरूम बिनधास्तपणे गडगा मार्गे नरसी कडे दिवसा व रात्री जात आहे. असे नायगाव तालुक्यातील नागरिकांतून मोठ्या प्रमाणात बोलल्या जात आहे. या ठिकाणी दहा हायवा, दोन जेसीबी बिंनधास्तपणे रात्री व भर दिवसा मुरमाच उत्खन मोठ्या प्रमाणात चालू असल्याचे दिसून आले आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(923072242)