🛑 प्रशासनातील धाडसी व्यक्तिमत्व स्व.अजित दादा पवार यांच्या स्मरणार्थ स्मारक उभारण्याची मागणी.

🔴 प्रशासनातील धाडसी व्यक्तिमत्व स्व.अजितदादा पवार यांच्या स्मरणार्थ जागा उपलब्ध करून स्मारक उभारण्याची मागणी — धनाजी जोशी 

शिवगर्जना न्यूज, 

देगलूर प्रतिनिधी

महाराष्ट्र राज्याचे उपमुख्यमंत्री तथा राष्ट्रवादी काँग्रेसचे राष्ट्रीय अध्यक्ष स्व.अजितदादा अनंतराव पवार यांच्या कार्याची दखल घेऊन त्यांच्या स्मरणार्थ जागा उपलब्ध करून भव्य स्मारक उभारण्यात यावे, अशी मागणी धनाजी जोशी, देगलूर (जि. नांदेड) यांनी मुख्याधिकाऱ्यांकडे निवेदनाद्वारे केली आहे.

धनाजी जोशी हे राष्ट्रीय ओ. बी. सी. फाउंडेशन, महाराष्ट्र राज्य – मराठवाडा विभागाचे अध्यक्ष असून त्यांनी एक व्यक्ती म्हणून पुढाकार घेत ही मागणी प्रशासनापुढे मांडली आहे. निवेदनात अजितदादा पवार यांच्या प्रदीर्घ राजकीय वाटचालीचा आढावा घेत, राज्याच्या सर्वांगीण विकासासाठी त्यांनी दिलेले योगदान अतुलनीय असल्याचे नमूद करण्यात आले आहे.

विशेषतः सिंचन प्रकल्प, कृषी विकास, ग्रामीण भागाचा कायापालट, पायाभूत सुविधा तसेच प्रशासनातील धाडसी व लोकाभिमुख निर्णयांमुळे अजितदादा पवार यांनी सामान्य जनतेच्या मनात वेगळे स्थान निर्माण केले आहे. शेतकरी, कष्टकरी, युवक आणि वंचित घटकांच्या प्रश्नांसाठी त्यांनी कायम ठाम भूमिका घेतली असून त्यांच्या नेतृत्वामुळे राज्यातील अनेक विकासकामे मार्गी लागल्याचे निवेदनात नमूद करण्यात आले आहे. नुकत्याच २८ जानेवारी विमान अपघातात त्यांचे अकाली निधन झाले. त्यांच्या कामाची पावती पाहून संपूर्ण महाराष्ट्राभरामध्ये शोककळा पसरली आहे. देगलूर शहरामध्ये नगरपरिषदेवर राष्ट्रवादी काँग्रेसची सत्ता असताना एका ओबीसी नेत्याकडून ह्या मागणीचे निवेदन सध्या देगलूर तालुक्यात चर्चेचा विषय ठरलेला आहे

अजितदादा पवार यांच्या कार्यातून भावी पिढीला प्रेरणा मिळावी व त्यांच्या कार्याची कायमस्वरूपी आठवण राहावी, यासाठी स्मारक उभारणे आवश्यक असल्याचे मत धनाजी जोशी यांनी व्यक्त केले. मुख्याधिकाऱ्यांनी सदर निवेदन स्वीकारून याबाबत योग्य त्या स्तरावर विचार करण्याचे आश्वासन दिले.

सामाजिक बांधिलकीतून पुढाकार घेत मांडलेली ही मागणी सध्या चर्चेचा विषय ठरत असून विविध स्तरांतून या मागणीस पाठिंबा मिळत आहे. निवेदनामध्ये देगलूर नगर परिषदेच्या हद्दीतील एक एकर ची जागा उपलब्ध करून देण्यात यावे व स्मारक उभारावे असे निवेदनात नमूद केले. प्रति निवेदन राज्याचे मुख्यमंत्री उपमुख्यमंत्री यांना सुद्धा देण्यात यावं अशी मागणी निवेदनाच्या मार्फत मागणी करण्यात आली. 

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)