🛑 अण्णा भाऊच्या विचारांना उजाळा देत कोलंबीत युवकांचा अभ्यासिकेचा संकल्प.

🔴 अण्णा भाऊंच्या विचारांना उजाळा देत कोलंबीतील युवकांचा अभ्यासिकेचा संकल्प, समाज परिवर्तनाची नवी दिशा. 

शिवगर्जना न्यूज, 

बाळासाहेब पांडे 

“अण्णाभाऊ साठेंचे साहित्य हे समाज परिवर्तनाचे प्रभावी साधन आहे. त्यांच्या विचारांची उंची लक्षात घेता युवकांनी व मातंग समाज बांधवांनी निर्व्यसनी होऊन समाज बदलाचे विचार आत्मसात करणे हे काळाची गरज आहे,” असे विचार ज्येष्ठ पत्रकार व व्याख्याते बाळासाहेब पांडे यांनी व्यक्त केले.

१९ जुलै रोजी अण्णाभाऊ साठे सभागृह, कोलंबी येथे अण्णाभाऊ साठे यांच्या पुण्यतिथी निमित्त आयोजित कार्यक्रमात पांडे प्रमुख वक्ते म्हणून बोलत होते. या वेळी अध्यक्षस्थानी ग्रामपंचायत कोलंबीच्या सरपंच सौ. नागरबाई शिवाजी शिंदे होत्या.

या कार्यक्रमात कोलंबीतील युवकांनी अण्णाभाऊंच्या स्मृतिदिनाचे औचित्य साधून सभागृहात अध्ययनासाठी ‘अभ्यासिका’ सुरू करण्याचा संकल्प केला. या उपक्रमाचे स्वागत करताना पांडे म्हणाले की, “हा निर्णय म्हणजे अण्णांच्या विचारांचा प्रत्यक्षात घेतलेला अमल आहे. आजच्या युगात शिक्षण व चांगल्या सवयीच समाज बदलू शकतात.”अण्णाभाऊ स्मृतीला अभिवादन करत अभ्यासिकेच्या माध्यमातून समाज परिवर्तनाची मशाल पेटविण्याचा कोलंबीच्या युवकांचा हा संकल्प निश्चितच प्रेरणादायी ठरणार आहे.

कार्यक्रमाला कोलंबी चे चेअरमन गोपाळ घोनशेटवाड, तंटामुक्ती अध्यक्ष भिवाजी पाटील शिंदे, ग्रामविकास शिक्षण प्रसारक कोलंबी चे संस्था अध्यक्ष तथा माजी सरपंच उद्धवराव पाटील बैस, माजी सरपंच उत्तमराव गवाले, माजी उपसरपंच देऊबाई ज्ञानोबा गवाले, नबीसब शेख, ग्रामपंचायत सदस्य गंगाधर घोनशेटवाड, पंढरी शिंदे आदी मान्यवर मंचावर उपस्थित होते.कार्यक्रमाचे प्रास्ताविक माजी सरपंच उत्तमराव गवाले यांनी केले, तर उद्धवराव पा. बैस यांनीही आपल्या भाषणातून अण्णांच्या जीवन कार्यावर प्रकाश टाकला.

आण्णांच्या विचाराची ताकत मानवी जीवन परिवर्तित करून माणसाच्या विचारात बद्दल घडविणारी आहे असे परखड विचार पी बी वाघमारे यांनी मांडले. सायंकाळी पार पडलेल्या दुसऱ्या सत्रातील समाज प्रबोधन पर कार्यक्रमात साहित्यिक व व्याख्याते पी.बी. वाघमारे यांनी अण्णाभाऊंच्या विचारधारेचा अभ्यासपूर्ण वेध घेत, समाज मनाला भिडणारे भाषण केले. या वेळी लहुजी मित्र मंडळ कोलंबी च्या वतीने आकर्षक रोषणाई सजावट करून आणाची प्रतिमा उभारण्यात आली होती.

कार्यक्रमाच्या यशस्वी आयोजनासाठी तुकाराम वाघमारे, ज्ञानेश्वर गवाले, संदीप गवाले, विशाल नवघरे, अनिकेत गवाले, सचिन गवाले, नितीन घोनशेटवाड, प्रेमजीत गवाले, राजेश वाघमारे, सोपनील गवाले, बाबाराव गवाले, सर संतोष कांबळे, रामदास गुंडले, विजय गवाले, कृष्णा वाघमारे, सुनील गवाले, संभाजी गायकवाड, ज्ञानेश्वर वाघमारे व लहुजी मित्रमंडळ कोलंबी यांनी पुढाकार घेतला होता.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)