🛑 रुई च्या शांती निकेतन शाळेची परस बाग जिल्हा स्तरावर दुसरी

🔴 रुई च्या शांती निकेतन शाळेची परस बाग जिल्हा स्तरावर दुसरी. 

मुख्याध्यापक, शिक्षक, विद्यार्थी यांचे सर्वत्र कौतुक. 

शिवगर्जना न्यूज, 

नायगांव (प्रतिनिधी बाळासाहेब पांडे)

शांती निकेतन माध्यमिक विद्यालय रुई (बु) शाळेची परसबाग जिल्ह्यात दुसरी येण्याचा बहुमान पटकावला आहे. शाळेची परसबाग तालुक्यातून पहिली आणि जिल्ह्यातून दुसरी आली. या उत्तुंग यशाबद्दल शाळेच्या सर्व अभिनंदन कर्मचाऱ्यांचे होत आहे.

प्रधानमंत्री पोषण शक्ती निर्माण योजना अंतर्गत शिक्षण संचालनालय मुंबई पुणे यांच्या वतीने शाळेतील परसबाग तालुका आणि जिल्हास्तरीय स्पर्धा घेण्यात आल्या होत्या त्यात नायगांव तालुक्यातील शांति निकेतन माध्यमिक विद्यालयाने दैनंदिन लागणारे पोषक पाल्या भाज्या लागवड केल्याने नायगांव तालुक्यात पहीला तर जिल्ह्यात दुसरा क्रमांक पटकावला आहे.

संस्थेचे अध्यक्ष राजेश देशमुख कुंटूरकर यांनी मुख्याध्यापक व संस्था कर्मचाऱ्यांचे अभिनंदन केले आहे. संबंधित परसबाग फुलवण्यासाठी शाळेचे मुख्याध्यापक आदरणीय बनाळीकर, देविदास हिवराळे, शाळेचे कर्मचारी बालाजी जंगलवाड, शिक्षक व विद्यार्थी यांनी अतोनात प्रयत्न केले. या परसबागेचा फायदा शालेय पोषण आहारासाठी झाला. ताज्या फळभाज्या टमाटा, हिरवी मिरची, पालक, कोथिंबीर, वांगी, कढी पत्ता, काकडी, मुळा याचा वापर दैनंदिन शालेय पोषण आहारात करण्यात येत आहे. शाळेचे विद्यार्थी, शिक्षक, मुख्याध्यापक, रुई ( बु) चे समस्त नागरिक व पंचक्रोशीत कौतुक होत आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)